和理非係香港政治術語，代表「和平、理性、非暴力」，指泛民主派嘅溫和抗爭方式，同勇武派相對。
「和理非」原先叫「和理非非」，由民主黨劉慧卿提倡，當中第二個「非」係指「非粗口」，不過後尾好多人都省略咗，變成而家嘅「和理非」。
喺2019年反修例運動入面，示威者都講求「和理非」同「勇武派」兩大派別團結合作。而一啲反修例活動都用「和理」嘅諧音「和你」命名，譬如「和你飛」、「和你塞」、「和你Lunch」同「和你唱」噉。
