咭
(由咭牌跳轉過嚟)
咭（粵拼：kaat1；英文：card；英國音：[kɑːd]，美國：[kɑɹd] 
聽）係一張較細，但係厚身嘅紙，通常質地比普通紙硬啲，由紙板或者硬咭紙𠝹出來，亦有塑膠做。「咭」字係來自英文card，而card又來自希臘文χάρτης（音chartēs），即係紙咁解。國語通常譯佢做卡。
咭有大有細，按唔同用途而命名。一類係賀咭，好似聖誕咭，年咭，生日咭，情人咭等等。另一類係細張嘅，好似咭片，信用咭，會員咭，折扣咭，年曆咭，學習咭，遊戲咭等等。亦有一啲大細介乎兩者之間，好似餅咭。
咭響漢字上，有時叫做牌。例如啤牌，名牌。亦都叫做片，好似明信片，即係甫士咭咁解。
電腦上，咭係指可以插入電腦，擴充電腦功能力嘅電路板。例如有記憶咭，視頻咭之類。