唱紅打黑

出自維基百科,自由嘅百科全書
Jump to navigation Jump to search

唱紅打黑粵拼coeng3 hung4 daa2 hak1),係指原重慶市委書記薄熙來搞起嘅兩場政治運動:即係「唱紅運動」(唱紅歌、讀經典、講故事、傳箴言)同「打黑運動」(重慶打黑除惡專項行動)。王立軍事件之後,薄熙來落台,「唱紅打黑」就停咗落嚟。

唱讀講傳[編輯]

內文: 唱紅歌、讀經典、講故事、傳箴言

唱紅歌、讀經典、講故事、傳箴言,簡稱「唱紅運動」或「唱紅歌」,官方簡稱「唱、讀、講、傳」,係「唱紅打黑」運動嘅第一部分。2008年開始,薄熙來喺重慶市推廣紅色歌曲紅色經典作品,重慶亦被人叫「西紅市」(普通話拼音Xīhóngshì[1]

打黑除惡[編輯]

內文: 重慶打黑除惡專項行動

重慶打黑除惡專項行動,簡稱「重慶打黑」,係「唱紅打黑」運動嘅第二部分。爾場運動入邊,文強等官員落台[2];從2009年6月到2010年4月,重慶公安局捉咗4781人,查扣咗31.46億元人民幣[3]。國家公安部頒布嘉獎令,肯定重慶打黑除惡專項行動嘅功績,話重慶打黑除惡「打得好、打得準、打得狠」[3];但爾場打黑運動被懷疑可能係薄熙來為咗鏟除異己搞嘅[4]

[編輯]

  1. "一周 热词". 中國網. 2011年4月21號. 喺2015年11月11號搵到. 
  2. "打黑英雄打掉前打黑英雄". 大河網. 2009年8月25號. 喺2015年11月11號搵到. 
  3. 3.0 3.1 "公安部通令嘉獎重慶"打黑除惡"專項行動". 新華網. 2010年6月18號. 喺2015年11月11號搵到. 
  4. "薄熙來爲鏟除異己 得罪溫家寶賀國強". 美中文摘. 2012年3月4號. 喺2015年11月11號搵到.