啤牌遊戲

出自維基百科,自由嘅百科全書
跳去導覽 跳去搵嘢
一班人玩緊德州話事啤,係而家好興嘅啤牌遊戲。

啤牌遊戲粵拼pe1 paai2 jau4 hei3),簡稱,指啲用啤牌嚟玩嘅遊戲

玩法[編輯]

內文:啤牌

由於啤牌嘅玩法同組合變化多端,好多時成為賭錢嘅工具,不過亦都有純綷當遊戲娛樂噉大人細路都可以一齊玩、並唔涉及金錢嘅啤牌遊戲。

而玩啤牌嘅時候,一般來講通常都會係四個人以對疊嘅形式咁玩,每人派十三隻來排陣出牌鬥一番,睇吓邊個成為最後嘅大贏家。當然亦都有只係兩個人對疊嘅形式,又或者多過四個人一齊玩嘅啤牌遊戲,林林總總,各有各嘅刺激同趣味。

賭博性質嘅玩法[編輯]

一般俾人用來賭嘅啤牌遊戲,比較流行嘅有:鋤大D十三張三公廿一點沙蟹(Show hand)、百家樂德州啤等等。

純綷娛樂嘅玩法[編輯]

而可以唔涉及金錢,純綷娛樂嘅啤牌玩法諸如:潛烏龜Last 咭冚棉胎釣一對。呢啲都好啱唔鍾意賭博嘅大小朋友一齊玩,而過程重可以好緊張好刺激。

有獎遊戲節目[編輯]

用啤牌做電視節目嘅有獎遊戲一路以來都有唔少,不過相信好多香港人重記得嘅啤牌有獎遊戲,莫過於曾經喺無綫電視嘅晚間綜合節目《歡樂今宵》入面搞過嘅「歡樂咭」;佢嘅玩法係預先喺一塊佈景板前面放咗十幾張排列成好似金字塔咁嘅、覆轉唔開牌嘅大張啤牌陣,當開咗最低嗰行嘅第一隻牌之後,就叫現場歡眾估下一隻牌大過定係細過之前嘅一隻牌(其實即係估大細),如果一路估到牌塔嘅最頂嗰一隻都估中埋嘅話,獎金自然係最豐富啦。當時呢個環節都吸引唔少觀眾特登睇埋先至上瞓覺,甚至乎喺一啲公司嘅聯歡活動入面,都特登搞個「歡樂咭」來與眾同樂,將聯歡嘅氣氛帶入高潮,算係一個幾成功嘅電視有獎遊戲來。

組合嘅術語[編輯]

其實喺玩啤牌來講,好多玩法裏面都有共通嘅組合術語,而通常呢啲組合都係由五隻牌組合而成,術語叫做「一手牌」,當然亦都有其它牌數所組成嘅組合;得意嘅係有啲術語只係直接由英文嘅發音直譯過來用。

以下就簡單噉介紹一吓呢啲關於啤牌遊戲嘅術語(詳細玩法請睇相關文章):

  • 單枝
呢個唔係組合,不過都係玩啤牌嘅術語之一,意思即係出一隻牌。呢個術語最常出現喺玩鋤大D嘅時候,如果個出牌話事人出一隻牌做大家嘅指引牌,就可以話佢「走單枝」、「開單枝」、「行單枝」。
廣東話嘅「啤」可以解成一對、一孖,其實即係英文Pair音譯過來。出一對相同點數嘅牌可以叫做「起啤」、「開啤」,而報牌嘅時候,啤通常都會跟返個點數喺尾,例如,一對煙士就叫「啤煙」,一對10就叫「啤10」,如此類推。要留意嘅係,一對相同花嘅牌並唔係啤。一啤「煙」嘅圖例:
A of spadeA of heart
  • 三條
顧名思義,即係出三隻牌,重要係三隻相同點數嘅牌,而報牌叫法同啤一樣都係將個點數跟尾,例如:「三條煙」、「三條七」……如此類推。同啤一樣,三隻相同嘅花並唔係三條。三條嘅圖例:
A of spadeA of heartA of club
同三條類似,即係出四隻相同點數嘅牌,而報牌嘅叫法亦都係將個點數跟尾,例如:「四條煙」、「四條六」……如此類推。同樣咁四隻同花嘅牌並唔係四條。圖例:
A of spadeA of heartA of clubA of diamond
有時四條可以係一手牌噉出,只要是旦搭多一隻牌湊夠五隻出就得。佢嘅組合喺一般嘅玩法入面係大過俘虜或者以下嘅一手牌組合(關於其它一手牌嘅組合,請睇下面)。
  • 滔啤
係由英文Two pair 音譯出來,係一手五隻嘅啤牌組合,由一啤相同點數牌加另外一啤相同點數牌,再加一隻牌組合而成,而報牌係先將兩對牌嘅點數行先,以下圖為例,一對煙同埋一對傾叫「煙傾滔」。若果係一對9同一對10就叫「九十滔」,如此類推。滔啤嘅圖例:
A of spadeA of heartK of spadeK of heartQ of spade
一般來講,滔啤算係一手牌入面最細牌面嘅組合(有啲玩法係唔可以出滔牌做一手牌)。
一手牌嘅組合,五隻牌嘅點數一定要連續順序咁落,但就可以唔同花。圖例:
A of spadeK of spadeQ of spadeJ of spade10 of heart 、 2 of diamond3 of diamond4 of diamond5 of diamond6 of club
以上呢個由煙士開始嘅組合,俗語叫「大蛇」,即係蛇之中佢算最大,當然玩鋤大D就要有葵扇2先叫做「大蛇」,至於「細蛇」即係話由階磚2開始數五隻(玩鋤大D就以階磚3最細)。
一手牌嘅組合,全部五隻牌都係同花,點數可以唔連續順序,例如:
2 of spade5 of spade10 of spadeK of spadeA of spade
花嘅組合一般來講係大過蛇或以下嘅組合。
一手牌嘅組合,而五隻牌入面,有三隻要同點數再加兩隻同點數;報牌嘅時就會先報三隻嘅點數然後兩隻嘅點數,以下圖做例,三隻煙加兩隻2就叫做「煙2fu1」,其它如此類推。圖例:
A of spadeA of heartA of club2 of spade2 of heart
葫蘆牌面嘅組合通常係大過花同蛇或以下嘅一手牌組合。
  • 同花順tung4 faa1 seon6*2(「順」有變調,讀「筍」)
「順」,即係順序,係一手牌嘅組合,除咗五隻牌嘅點數要係連續順序之外,重要全部都係同一隻花,例如:
A of spadeK of spadeQ of spadeJ of spade10 of spade
基本上喺大部份嘅啤牌玩法入面,同花順算係最大嘅牌面,就好似玩沙蟹咁,以上呢條由煙士開始嘅同花順(俗稱「大順」)已經係最大嘅牌面,可以壓倒晒其它一手牌嘅組合。
  • 青龍
呢個係一副牌組合嘅術語,即係全部十三隻牌都係同一隻花,喺某啲啤牌遊戲入面係屬於最高嘅牌面之一。例子如圖:
A of spade2 of spade3 of spade4 of spade5 of spade6 of spade7 of spade8 of spade9 of spade10 of spadeJ of spadeQ of spadeK of spade