均安蒸豬

均安蒸豬係一味順德菜，起源自均安，通常擺酒先至有得食，被人叫做順德菜嘅「貴族」。

均安蒸豬用到50-100公斤嘅豬仔成隻上，先燒一燒塊皮，用釘扒反覆咁拮窿，然後起骨，再用燒酒、鹽、五香粉加埋中藥香料醃勻全身，再放入杉木做蒸箱用大火蒸約莫半個鐘到熟晒，最後面頭灑上芝麻就得。因為用嘅係細豬，脂肪連埋皮厚得嚟唔會太漏，肉質蒸完之後都唔會嚡，食嘅時候配埋鹽蔥醬，係搞村宴或者大時大節至會食到嘅農家手工菜。