垃圾食物

出自維基百科,自由嘅百科全書
(由垃圾嘢食跳轉過嚟)
奇多芝士條搭三文治

垃圾食物或者垃圾食品,係指一啲營養低,熱量高嘅快餐食物。有人認為垃圾食品引致癡肥

垃圾食物多數指嗰啲大家認為唔健康,或者低,甚至無乜營養價值嘅食物。垃圾食物個名來自英文「Junk Food」,1972年出自美國公眾利益科學中心個阿頭 Michael Jacobson 把口。垃圾食物好鬼多,好似漢堡包薄餅汽水、落好鬼多(鈉)整嘅嘢食,好似薯片薯條,重有好多,講唔晒。

好多政府同非牟利團體都話食太多垃圾食物無助均衡飲食。「垃圾食物」呢個字於是就俾好多唔妥快餐工業嘅團體同環保份子講咗好多年。

不過垃圾食物製造成本平,周圍都有得賣,又唔使搞一大餐先有得食,重因為高脂肪,鹽同糖份,可以做出唔同味道,所以重係好受歡迎,歷久不衰。垃圾食物嘅營養成份大部份係淨卡路里,齋畀能量,營養就冇乜。而且垃圾食物重加入好多食物添加劑,用嚟整重啲味,整靚嘢食嘅質感,轉色以及令佢唔會變壞。所以好多垃圾食物可以擺好耐,而且唔使特登去做放雪櫃嗰啲保存措拖。

Hostess 炸忌廉手指,美國垃圾食物代表

垃圾食物脂肪同糖份好高,蛋白質維他命同纖維成份就好低,被認定係多種疾病嘅元兇,好似癡肥、蛀牙、二型糖尿病個案急升,心臟病等等。當兒童開始食垃圾食物,佢哋原本攝取好多嘅蛋白質、維他命同食物纖維會跌到好低,平日飲開同健康果汁會變咗飲汽水。兒童飲少咗奶,減低質攝取量,唔夠鈣會令骨骼脆弱。

有啲薯片脆片,其實未必垃圾得晒。佢哋有單元多元不飽和脂肪。之但係,佢哋始終係脂肪,淨卡路里嘅壞處,足以抵銷不飽和脂肪嘅好處。呢堆食物含鹽量好高,重會令有啲人血壓高

睇埋[編輯]