埼玉縣（粵拼：kei4 juk6 jyun6；日文：埼玉県さいたまけん(Saitama Ken)）係日本本州關東地方嘅其中一個縣，南面係東京都，東面係千葉縣，佢同關東地方除咗神奈川縣以外嘅一都四縣都有接壤。而且佢都同中部地方嘅長野縣同山梨縣接壤。
埼玉縣由於喺全日本甚至全亞洲最繁華嘅商業區東京都隔籬，所以自從近代以嚟，埼玉縣都有大量嘅居民去東京返工，所以佢亦畀人叫做睡城（日文：ベッドタウン），意思即係呢個地方好多人去大都市返工，只係返嚟呢度瞓覺，亦可以叫做衛星城市。
成個縣人口有7百萬人，係全日本排名第五多嘅都道府縣。
.svg){kind=small}
