塔石藝文館
 |
塔石藝文館（葡文：Galeria Tap Seac），又叫澳門塔石藝文館，喺澳門半島荷蘭園大馬路95號。2003年12月5號啟用，由澳門文化局管理，用嚟舉辦視覺藝術展覽同各類文化活動。
塔石藝文館係一幢獨立、兩層高嘅建築物，同周邊同時期嘅建築物，組成別具特色嘅歷史建築群，係澳門法定文物建築之一。
塔石藝文館由時任社會文化司司長、時任行政長官崔世安同日本出名設計師福田繁雄主持揭幕儀式。
設施[編輯]
展示面積大約500平方米，由前後兩部份組成，中間部份係透光中庭，之間有梯級相連。前半部份係主要展覽區；後半部份可以用嚟做展覽、研討會、講座等。
建築特色[編輯]
塔石藝文館建築充滿住濃厚歐洲新古典主義風情。佢喺20世紀20年代起，外牆係用土黃同赭紅兩色相間，再用木制百葉窗、貝殼形窗櫺同半柱式裝飾嘅羅馬拱形大門。
塔石藝文館係典型澳門貴族家庭住宅，分前後兩座，經改建後，將前後座連埋一齊，變成藝術展覽場地，又保留咗室內原有兩口古井。
開放時間[編輯]
- 朝早10點至夜晚7點
（免費入場）