多傑雄登

出自維基百科,自由嘅百科全書
Jump to navigation Jump to search

多傑雄登(藏文:རྡོ་རྗེ་ཤུགས་ལྡན་威利轉寫:rDo-rje Shugs-ldan,意思係「力氣大嘅持金剛神」),係藏傳佛教格魯派傳統上信奉嘅金剛護法神,但歷代多有爭議,第十三世達賴喇嘛就曾頒布禁令,禁止呢項信仰。

從1970年代開始,第十四世達賴喇嘛多次公開反對多傑雄登信仰,1996年佢更加頒布禁令:信奉多傑雄登嘅信徒,無得參加格魯派嘅法會、亦無得接受灌頂。此舉引發西藏人社區內部唔同嘅聲音,反對者認為呢種做法係宗教迫害,迫使多傑雄登嘅信徒因為怕被人歧視而離開藏人社區。支持者則認為,多傑雄登信仰鼓勵宗教唔寬容,應該禁止。