大唐三藏取經詩話

《大唐三藏取經詩話》，又叫做《大唐三藏法師取經記》係明朝嘅話本，邊個係作者已經唔清楚，大多數人都認為佢係宋朝寫嘅，不過魯迅認為作者可能係元朝人。全部話本有三卷十七段，係講一隻馬騮精行者幫唐三藏（唐玄奘）取經嘅古仔，呢套話本無豬八戒呢個角色，但係就沙僧嘅原型，叫做深沙神，係明朝小說《西遊記》嘅主要故事來源。喺呢套話本之前，描寫唐僧取經嘅故事，唐僧都係做主角，而呢套話本就用馬騮精猴行者（孫悟空嘅原型）做主角。

不過，《大唐三藏取經詩話》呢套話本喺中國原本已經失傳，喺好近期先至喺日本重新俾人發現，傳返中國。