22°14′46″N 114°14′56″E / 22.24611°N 114.24889°E / 22.24611; 114.24889
大浪灣石刻
大浪灣石刻係香港史前時期嘅石刻，喺香港島南區石澳東面嘅大浪灣，而家已被評為香港法定古蹟，亦係香港第一個法定古蹟。
大浪灣石刻喺1970年被一個差人發現，喺沿海邊嘅石崖上面，面積大概90厘米乘80厘米。圖形係抽象嘅鳥獸紋，圖紋大致似幾何形。考古學家估計，呢個石刻嘅刻鑿年份大概喺新石器時代，估計係當時嘅居民相信刻石能夠保佑出海嘅人，同埋佢哋對航海同天文表現崇拜。而家嗰度起咗封罩加以保護。
