大豐門
大豐門（粵拼：daai6 fung1 mun4），又嗌大封門，係中國廣東廣州嘅一間大型公園兼中國國家級漂流生態景區，2010年3月12號開園，位置喺增城區派潭鎮上九陂仙泉中路3號（355省道嘅K50+400標記位個路口行下坡路入去530m路程附近）。
佢亦係白水寨風景區屬下嘅另一大型公園。
古仔
[編輯]麻姑怪我戀塵囂，一隔仙凡道路遙。
去去滄州弄明月，倒騎黃鶴聽鸞簫。
相傳大唐神龍年間，增城小樓有位好後生兼樣靚嘅村姑——何素女，俾麻姑點化做八仙之一嘅何仙姑後，即刻跟埋過緊嚟嗰七仙一齊去蓬萊。何仙姑帶住七仙搭緊彩雲時，嚟到佢以前玩過嘅派潭上九陂石人嶺時，嗰七位仙人咁啱睇到附近啲景好靚而停咗落嚟猛咁玩同睇景，重猛咁讚何仙姑之所以咁快修成正果，係因為增城有噉嘅人間聖景。何仙姑笑住多謝嗰七仙猛咁讚石人嶺啲靚景時重話嗰度距離何素女出世地（小樓）先至得廿里路，以前佢成日一人嚟嗰邊玩。而家佢要跟埋仙家一齊去到蓬萊之後好難先至有機會返去而畀佢嚟多次石人嶺附近一帶玩。後嚟七仙為咗畀何仙姑猛咁玩而用咗仙法將上山嘅山門棧道封咗，唔畀出面啲人入……後嚟何仙姑玩完之後寫咗首《辭家诗》嚟紀念佢之前曾經成日去石人嶺嗰邊玩嘅事。
概況
[編輯]景區森林面積有1300ha咁大。入面種咗樟、松、紅楓、楊梅、紅苞木、桫欏、毛竹等好多種植物。景區嘅負離子含量去到11,238,000,000個/m³，唔理係山頂定山腳都有個大水庫響度。兩條水庫之間條水路屬漂流。
景區
[編輯]
成間公園有7個景區，包括咗2個瀑布臺、2個天池同1個漂流。其中景區嘅漂流喺中國內地有「賽道最長」同「落差最大」嘅稱呼，其中賽道全長有6350m咁長；落差有279m咁高，坡降6.16%。
冰臼異石
[編輯]大豐門特色景區之一，喺山腳嘅觀景平臺附近，入面有好多亞洲地區好少見嘅石臼堆響度。嗰啲石臼數量繁多，而且清一色圓形，直徑從2dm～5m之間。有啲石臼入面重有魚仔同蝦仔喺水草附近四圍游。部分桶形深到可以儲水，似天然大水缸噉，但有啲「大水缸」嘅底受到長年嘅侵蝕而水落石出。
斷崖絕壁同山水奇觀
[編輯]部分景區亦出現過有斷崖式嘅懸崖，有好明顯嘅棱角兼好少見到曲線。尤其係大瀑布嘅層級式斷崖，幾乎筆直咁滯。喺發大水嗰時，成日見到好多水花同彩虹出嚟。尤其喺夏天比較清爽，因為有好多地方成年好難見到陽光啲光線。呢條峽谷最深地方嘅高度差有748m，最窄地方凈限制兩個人靠埋一齊出入。
峽谷入面重整咗古典龍骨水車堆，佢帶住石磨慢慢噉喐，古朴兼錯落有致。
南國天池
[編輯]景區大門嘅皇牌景點之一，喺公園入口入去180m路程就睇到。嗰度既俾人話成「廣東版喀納斯湖」，面積有差唔多10km²，湖面藍綠色，似綠群山抱住嚿翡翠噉鑲嵌喺山下邊。
錦繡瀑布
[編輯]公園皇牌景區之一，喺入口嘅停車場P2位對出附近。個樣似黃果樹瀑布同九寨溝嘅混合版，落差分成4級。
親水棧道
[編輯]景區主要步行道路，全長4.3km，用原木整成，連橋樑都唔例外。可以零距離噉黐埋比較藍嘅泉水同溪瀑呢啲大自然景觀。
門票同開放時間
[編輯]- 開放時間
- 每日09:00～17:00
- 身高＜1.2m啲細路：免票，但限家屬帶一位，而且唔玩得漂流。
- 年紀≥60啲老坑：免票，但必須要有廣州地區嘅老人證，而且唔玩得漂流。
- 凡係有心臟病、高血壓、精神病、癲癇病、腦出血患者都唔玩得漂流。
- 凡係客流太多嗰時，景區會睇情況畀遊客玩嗮先至閂門。
- 凡係大雨或暴雨、雷暴、刮颱風、龍捲風等惡劣天氣時會睇天氣而決定，但漂流會100%停止開放。
- 掛咗暴雨警報信號或藍、黃、橙、紅色颱風警報信號其一，景區會暫停開放。
- 門票
| 種類 | 散客 | 團體 |
|---|---|---|
| 景區 | CNY￥108 | CNY￥25 |
| 威猛漂 | CNY￥148 | CNY￥30 |
| 無敵漂 | CNY￥198 | CNY￥50 |
若果凈買咗景區票而升級玩威猛漂或無敵漂或威猛漂升級玩無敵漂嘅，必須要去遊客中心嘅票務升級處貼錢先至得。
連出去
[編輯]
- 大丰门漂流——华南之最 康辉旅游
- 大丰门漂流