天球儀

天球儀係一種將天球縮細比例畫喺實物球上邊嘅天文儀器。戥二維星圖唔同，佢可以保證天球上各種天體同埋天體組合（譬如星座）嘅投影唔會因二次投影而產生變形，同埋保持啲恆星投影之間嘅角距（Vinkelavstånd）、體現出啲恆星嘅唔同亮度等級，好方便啲人進行天文學觀察同埋研究、航海抑或占星。但係，一般嚟講佢上邊啲圖都係天球嘅鏡像投影，因為衹能從外部睇個天球儀、而咪似睇星空噉由內部望。不過都有天球儀係鏤空或者透明嘅，噉樣就可以從對面穿過球內部嚟望、嚟模擬從地球望個天空嘅效果。