太平山區
想搵第二個意思嘅話，請睇太平山。
太平山（Tai-ping-shan或Tai Ping Shan）係香港一山，但範圍唔太確切。一說係扯旗山，一說香港島西北各山，包括扯旗山在內。《香港雜記》有云，太平山四約，上環有太平山街。太平山約莫係西營盤、上環到中環對上嘅山，尤其係上環。而家坊間多數用「太平山」去稱呼扯旗山。
太平山以區域來講，大約係上環山腳一帶，以東華醫院爲中。
太平山一字，甚少形容西人地方，大抵係唐人生活範圍。太平山頂一帶，亦以扯旗山而名。後尾太平山腰，又叫半山區，而山頂一帶，又叫太平山頂。
傳說
[編輯]因爲山名，來歷不明，所以坊間就有傳說。太平山同扯旗山係有段古。話說香港曾經海賊倡厥，香港島係巢穴。佢哋見有船駛近，就上山頂扯旗爲訊，通知同黨出動打劫。後尾海賊畀朝廷招安，又或被滅，咁就太平返晒，就叫太平山。
不過扯旗一說，可能另有來歷。《香港雜記》有云，「若域多厘山、則有報船之扯旗一杆。」呢度講英人見船來，就會扯旗報船，準備入港，可見扯旗山之名，由此而來。
文化影響
[編輯]電視劇《太平紋身店》好多鏡頭都喺呢度取景，入面亦有一條『太平街』，但現實嘅太平山就只有一條『太平山街』而唔係『太平街』。