奧林匹克休戰

File:Olympic Truce.jpg

奧林匹克休戰標誌

奧林匹克休戰，係源自古希臘嘅傳統，可以追溯到公元前776年。

喺奧林匹克運動會之前同期間會宣布一個「休戰」（Template:Ety），確保主辦城市州（埃利斯）唔會被攻擊，同時運動員同觀眾可以安全前往運動會並和平返到各自嘅國家。

喺1992年夏季奧林匹克運動會期間，挪威提議恢復奧林匹克停火嘅精神，响奧運開幕前一禮拜開始到閉幕後一個禮拜之間嘅期間內停火，經過與會169國確認；與此同時，國際奧林匹克委員會（IOC）重申呢個傳統，呼籲所有國家喺現代奧林匹克運動會期間遵守停火協議。呢個休戰喺1993年10月25日由聯合國第48/11號決議恢復， 並且喺聯合國千年宣言中提到世界和平與安全。 自1993年決議以嚟，聯合國喺不同程度嘅共識下通過咗重申奧林匹克休戰理念嘅決議。

喺1996年，雅典申辦2004年夏季奧林匹克運動會委員會承諾要恢復奧林匹克休戰，並通過奧運聖火接力，向世界宣傳呢個休戰。 三年後，IOC宣布同希臘合作建立國際奧林匹克休戰基金會同國際奧林匹克休戰中心。 呢個願景係保護運動員同體育嘅利益，並喺現代社會中推廣和平嘅原則。每個主辦城市都被鼓勵喺籌備同舉辦運動會時，體現奧林匹克休戰嘅意義同精神。

截至2022年，現代奧林匹克休戰由奧林匹克運動會開幕典禮前一星期開始，到殘奧會閉幕典禮後一星期結束。不過，現代奧林匹克運動會期間呢個休戰至少有三次被打破，包括由俄羅斯犯下嘅三次違規，最近一次係2022年俄羅斯入侵烏克蘭之後。呢個違規係導致俄羅斯同白俄羅斯運動員被排除喺2022年冬季傷殘奧林匹克運動會之外嘅其中一個因素。