女川町

町村章

女川町喺宮城縣嘅位置（橙色）

女川巨蛋

女川町（粵拼：neoi5 cyun1 ding1，日文：女川町／おながわちょう ^{Onagawa chō */?}）係日本宮城縣牡鹿郡嘅一個町。

歷史同埋重要性

女川町係響1926年（大正15年）建立，係牡鹿郡轄下唯一一個町。由於離全個宮城縣最深嘅湖女川灣好近，所以自古以嚟就有好多大船響爾度停泊，曾經重係大日本帝國海軍嘅重要基地之一。到依家都重係全縣重要嘅魚產地。而且，女川町重係響南三陸金華山國定公園嘅管轄範圍入面。

響2011年日本東北地震入面，女川町雖然話係因為有海嘯而受到好大影響，但係町內嘅女川核電廠就乜事都冇發生（連堆心熔毀都冇），佢嘅安全度響福島第一核電廠核災發生咗之後受到全日本人嘅高度關注。