奶黃月餅

奶黃月餅係月餅一種，2010年代頭開始喺香港風行。佢外皮同傳統月餅相似，而入面就包住奶黃餡。但因為一個餅放得多奶黃餡就好難焗得好，所以奶黃月餅嘅大細要縮細去就，比傳統月餅細個。

根據香港半島酒店嘅講法，奶黃月餅係1987年由佢哋中菜部嘉麟樓葉永華師傅發明，到而家嘉麟樓出嘅奶黃月餅依然好出名，同時亦有好多商家都有出自家嘅奶黃月餅。

2010年代中期，奶黃月餅多咗隻變種，就係參照流沙包嘅概念，創製出流心奶黃月餅，入面嘅奶黃餡呈液態，喺商家炒作之下，令唔少香港人瘋狂搶購同炒賣。