孔慶慇
孔慶慇（Marco，1979年3月8號—）係香港長洲人，又名：黑叻，黑哥，長洲淫慇[1][2]，商台劉青雲，商台麥包，陝西江門麥包，肥粉，長洲黑濱，急急關注，王安石，野豬，丁蟹。
孔慶慇早年讀長洲國民學校，灣仔聖若瑟書院同埋香港華仁書院。做過香港商業電台DJ，主持《森美移動》同《兄弟做野》。後來離職去咗美國威斯康辛州升學。喺美國期間一直畀《森美移動》啲舊同事無間斷噉打電話嚟整蠱。
由於佢有一段時間冇嗮聯絡，令森美喺《森美移動》入面呼籲聽眾喺Yahoo!香港搜尋孔慶慇個名，因而令佢先後登上Yahoo!香港搜尋榜人氣組同埋洩氣組第一名。
孔慶慇亦有參與音樂創作，代表作係劉德華嘅《鴿子情緣》，呢首歌係903廣播劇《鴿子園》主題曲，並獲得2001年度叱咤樂壇流行榜頒獎典禮專業推介．叱咤十大第四位。
佢喺2006年返香港之後喺唱片公司做嘢，又再做香港商業電台星期六足球節目《一腳踢》主持，其後辭職，出任紅牛能量嘢飲高層。
2018年5月開始，佢就同森美同小儀主持《早霸王》。
孔慶慇嘅電台師父係叱咤903節目監製朱穗傑（傑傑），孔慶慇嘅主持風格都好大程度受佢影響。
攷
- ↑ 〈早霸王〉。《喺霸王KOL 環節入面》。2018年9月27號 –透過電台節目。
- ↑ 〈[極醜惡]早霸王休班Madam阿正與長洲淫慇Marco打情罵俏實錄〉。YouTube。2019年1月18號。喺2019年2月16號搵到。
{{cite web}}: Cite has empty unknown parameter:|dead-url=(help)
出面網頁
 |