紅牛
紅牛（英文：Red Bull）係泰國同奧地利合資嘅紅牛公司出嘅能量嘢飲，1987年推出，主要嚮東亞同歐洲地區大賣。紅牛用鋁罐裝住，入面主要成份係牛磺酸、煙鹼酸、葡醛內酯同咖啡因。
特色
[編輯]奧地利紅牛公司嘅紅牛係一種含碳酸嘅軟飲料，除咗有250毫升罐裝嘅標準版本之外，佢喺2003年率先推出咗美國地區嘅無糖低熱量版本。紅牛唔止可以單獨飲用，喺歐美派對聚會中，仲會同伏特加等酒混合飲用，特別係喺年輕人當中勁流行。至於紅牛喺泰國嘅發源地，當地嘅版本唔含碳酸，而且係用玻璃瓶包裝。
中國紅牛維他命飲料有限公司推出嘅紅牛有兩種，一種係金色罐裝，另一種係藍色罐裝（牛磺酸增強版，但咖啡因含量較低）。同泰國版本一樣，中國版嘅紅牛都冇碳酸，而且咖啡因同牛磺酸嘅含量都明顯降低。