孖寶兄弟64

孖寶兄弟 64 嘅遊戲封面

孖寶兄弟64（英文：Super Mario 64），又叫《超級馬利奧64》，係任天堂電子遊戲孖寶兄弟嘅任天堂64版本，響1996年6月23號出。呢隻遊戲廣泛噉畀電子遊戲設計同製作方面嘅工作者視為一件大創新，因為隻遊戲用咗好有探索性嘅設計，畀玩家對於「要以咩次序過關」有巨大自由度，創始咗搜集拉松呢種平台遊戲設計風格；除此之外，隻遊戲仲被指係電子遊戲史上第一隻取得重大成功嘅 3D 平台遊戲，吸引咗好多平台遊戲嘅設計師同製作師仿傚，所以隻遊戲對打後啲平台遊戲嘅設計影響深遠。

故事情節

呢隻遊戲嘅故事相對簡單：碧姬公主邀請瑪利奧嚟城堡食蛋糕，但當瑪利奧到達嘅時候，發現庫巴入侵咗城堡，偷走力量星並且將碧姬囚禁喺畫中世界。瑪利奧要穿越各個關卡收集力量星，最後擊敗庫巴，救出公主，恢復城堡嘅和平。喺故事最後一幕，公主帶住佢啲僕人一齊郁手焗蛋糕俾瑪利奧食。

基本玩法

睇埋：搜集拉松

玩家控制主角馬利奧喺各個關卡之間跳躍、跑、游水同埋滑行，目標係喺唔同世界入面收集力量星。每個世界都係經由碧姬公主嘅城堡入便嘅畫框進入。收集咗指定數量嘅星，就可以解鎖更多房間同關卡。

玩家可以使用多種基本操作：

• 跳躍、二段跳、三段跳；
• 踩踏、滑鏟攻擊；

遊戲中共有 120 粒力量星，玩家要完成唔同任務，例如擊敗 boss、解謎、收集紅幣或賽跑勝出，先至可以得到力量星。

孖寶兄弟64被指係創咗搜集拉松嘅先河。搜集拉松係指集中於「搜集」嘅平台遊戲，個名嚟自搜集（collect-）同馬拉松（marathon）嘅結合。一隻搜集拉松嘅核心特徵如下：

1. 隻遊戲有個虛擬世界，分做若干關，啲關會有一定嘅先後次序；
2. 隻遊戲有 N 類事物要搜集；舉具體例子說明，《孖寶兄弟 64》呢件作品被指係普及咗搜集拉松，而喺呢隻遊戲入面，玩家可以探索遊戲嘅虛擬世界，個世界有能量星、黃金幣同紅金幣等嘅幾樣物件可以搜集；
3. 每樣可搜集嘅物件都有一定嘅功能，當中可能有啲比較重要有啲冇咁重要－例如物件 A 係過關必要嘅、物件 B 對過關嚟講唔必要但有用、物件 C 對過關冇乜用但搵到嗮玩家就有得玩小遊戲等嘅得意嘢... 呀噉。

關卡設計

《超級瑪利奧64》以自由探索為主，每一個世界都有開放式設計，鼓勵玩家自己探索、試跳、搵秘密。場景包括草原、雪山、火山、城堡地牢同天空浮島，環境變化多端。例如：

• 炸彈戰場（Bob-omb Battlefield）：遊戲第一關，設計開放，用嚟教玩家基本跳躍、攻擊同攝影機操作。Boss係「炸彈王」（King Bob-omb）。
• 寒冷山丘（Cool, Cool Mountain）：以雪地同滑雪道為主題，玩家要救企鵝BB、玩雪橇競速同喺冰坡上收集紅幣。
• 滴水洞窟（Hazy Maze Cave）：迷宮式設計，內有毒氣區域同地下湖，係早期立體空間設計最複雜嘅關卡之一。

關卡一覽

• 炸彈戰場
• 沃姆普的堡壘
• 海盜旗灣
• 涼爽，涼爽的山
• 大布鬼出沒
• 朦朧迷宮洞
• 金屬帽洞穴
• 致命熔岩之地
• 流沙地
• 可怕的，可怕的碼頭
• 雪人之地
• 乾濕世界
• 高高的山
• 小而大的島嶼
• 滴答時鐘
• 彩虹騎行

文化影響

《超級瑪利奧64》推出後已經獲得評論家極高評價，被視為 3D 平台遊戲嘅典範，對之後成千上萬款動作遊戲有深遠影響。呢隻遊戲建立咗自由探索、精準跳躍同埋可調鏡頭控制嘅標準，為 3D 遊戲設計開咗新時代。

呢隻遊戲喺全球賣出超過一千一百萬套，成為任天堂 64 銷量最高嘅作品之一。由於佢嘅歷史地位同懷舊價值，亦吸引咗大量粉絲製作改檔，甚至相關嘅 creepypasta。

睇埋

• 搜集拉松

拎

• 孖寶兄弟64嘅官方網站
• 瑪利奧維基孖寶兄弟64
• 孖寶兄弟64影片