孖寶兄弟64

出自維基百科,自由嘅百科全書
跳去導覽 跳去搵嘢

孖寶兄弟64》(英文Super Mario 64),又叫《超級馬利奧64》,係任天堂電子遊戲孖寶兄弟任天堂64版本,響1996年6月23號出。

呢隻遊戲廣泛噉畀電子遊戲設計製作方面嘅工作者視為一件大創新,因為隻遊戲用咗好有探索性嘅設計,畀玩家對於「要以咩次序過關」有巨大自由度,創始咗搜集拉松呢種平台遊戲設計風格[1];除此之外,隻遊戲仲被指係電子遊戲史上第一隻取得重大成功嘅 3D 平台遊戲,吸引咗好多平台遊戲嘅設計師同製作師仿傚,所以隻遊戲對打後啲平台遊戲嘅設計影響深遠[2]:p. 15

影響[編輯]

睇埋:搜集拉松

搜集拉松(collectathon / collect-athon)係平台遊戲嘅一個子類型,指集中於「搜集」嘅平台遊戲,個名嚟自搜集(collect-)同馬拉松(marathon)嘅結合。一隻搜集拉松嘅核心特徵如下[註 1][3]

  1. 隻遊戲有個虛擬世界,分做若干,啲關會有一定嘅先後次序;
  2. 隻遊戲有 N 類事物要搜集;舉具體例子說明,《孖寶兄弟 64》呢件作品被指係普及咗搜集拉松,而喺呢隻遊戲入面,玩家可以探索遊戲嘅虛擬世界,個世界有能量星、黃金幣同紅金幣等嘅幾樣物件可以搜集;
  3. 每樣可搜集嘅物件都有一定嘅功能,當中可能有啲比較重要有啲冇咁重要-例如物件 A 係過關必要嘅、物件 B 對過關嚟講唔必要但有用、物件 C 對過關冇乜用但搵到嗮玩家就有得玩小遊戲等嘅得意嘢... 呀噉。用返《孖寶兄弟 64》做例子:
    • 能量星對過關嚟講係必要嘅:遊戲虛擬世界有好幾道障礙,每道障礙都要求玩家搵到若干數量嘅能量星先過得;例如第一道障礙噉,第一道障礙係要手上有 8 粒能量星先以可以過到,而第一道障礙前有 5 個關卡,當中每關有 6 粒能量星收埋咗喺入面,即係話玩家可以喺呢 30 粒能量星入面攞是但 8 粒就過到第一道障礙[註 2]
    • 紅金幣對過關有用但唔必要:隻遊戲每一關都有 8 個紅金幣,搵到嗮就可以得到 1 粒能量星;玩家大可以完全唔理紅金幣,但搵紅金幣幫到佢攞過關必要嘅嘢(能量星);
    • 黃金幣都對過關有用但冇紅金幣咁有價值:黃金幣要搵夠 100 個,先至可以攞到一粒能量星;

睇埋[編輯]

註釋[編輯]

  1. 睇埋 TV TropesCollect-a-Thon Platformer
  2. 於是玩家對於「要點樣攻略隻遊戲」依然有咁上下自由。

[編輯]