孟浩然

出自維基百科,自由嘅百科全書
跳去導覽 跳去搵嘢
孟浩然《晩笑堂竹荘畫傳》

孟浩然689年740年[1]),名浩然,號孟山人以字行唐代襄州(今湖北襄陽)人,又稱孟襄陽,盛唐時期著名詩人,屬於山水田園派。孟浩然後生時曾遊歷四方,所以後人稱佢做孟鹿門、鹿門處士,同王維並稱為王孟

生平[編輯]

唐玄宗在位時嘅開元十五年(727年)冬天,孟浩然去長安想搵官做,第二年應考進士失敗咗。王維曾經向唐玄宗推薦孟浩然,點知孟浩然嘅一句詩《不才明主棄》,搞到唐玄宗好唔高興,失去咗喺朝廷做官嘅機會。

開元十七年(729年)孟浩然漫遊吳越。開元二十年(732年)返到襄陽。

開元二十二年(734年)孟浩然又再去長安。韓朝宗好欣賞孟浩然,於是邀請佢參加飲宴,並且向朝廷推薦佢,點知孟浩然因為同朋友飲酒而錯過咗同韓朝宗嘅約定。

開元二十三年(735年)孟浩然遊蜀。

開元二十五年(737年),張九齡做荊州長史,招孟浩然做幕府。無幾耐,孟浩然返去老家。開元二十八年(740年),王昌齡遊襄陽,探訪孟浩然,兩個人見面好開心。咁啱孟浩然病疹發背,本來就快好返,但係因為佢縱情飲酒,食鮮疾發逝世[2]

著作[編輯]

孟浩然嘅詩歌絕大部分都係五言律詩,題材大多關於山水田園和隱逸、旅行等內容。佢同王維李白張九齡好老友,繼陶淵明謝靈運謝朓之後,開盛唐山水詩嘅先聲。出名嘅詩作有《秋登萬山寄張五》、《過故人莊》、《春曉》等篇。

孟浩然嘅詩同王維齊名,並稱「王孟」。依家通行嘅《孟浩然集》收詩263首,但其中有其他人嘅作品。

評價[編輯]

李白對孟浩然極為崇拜,曾經作過幾首詩送畀大自己十二歲嘅孟浩然,最著名嘅一首係《贈孟浩然》:「吾愛孟夫子,風流天下聞。紅顏棄軒冕,白首臥松雲。醉月頻中聖,迷花不事君。高山安可仰,徒此揖清芬。」

墓葬[編輯]

孟浩然墓喺湖北襄陽城東風林南麓。

[編輯]

  1. http://db1.ihp.sinica.edu.tw/cbdbc/cbdbkm?@17^960248073^107^^^1^1@@2021438441
  2. 王士源(元)《孟浩然詩集序》記載:「開元二十八年(740年)王昌齡遊襄陽,時浩然疾發背,且愈,得相歡飲。浩然宴謔,食鮮疾動,終於南園。」
Wikisource-logo.svg
維基文庫入面呢位作者嘅作品:

出面網頁[編輯]