安達臣道

出自維基百科,自由嘅百科全書
Jump to navigation Jump to search
安達臣道

安達臣道英文Anderson Road)係香港新界新九龍交界綫上面一條路,響正順利邨對上。喺安達臣道石礦場發展計劃臨開展之前,安達臣道係連接清水灣道寶琳路,由近清水灣道同新清水灣道交接之處,向東南走,兜兜轉轉去到蕉欄樹。然後就秀茂坪對上向東走。最後響馬游塘連埋寶琳路就行完。

成條路都響山上面。東面個山叫大上托,山頂係石塘來,所以剷到凹晒。

[編輯]

呢條路響英國租到新界無幾耐就起。個名係香港政府管倉William John Anderson。以前條路唔止行到馬游塘,重會向南行,最後兜落三家村。現時通去將軍澳華人永遠墳場嘅行車路亦曾經係安達臣道一部分。

2014年3月,安達臣道被分成兩段。北段連接清水灣道同埋安達臣道9號,係掘頭路;南段連接安達臣道9號後面同埋寶琳路,北端連接新開嘅安秀道。2016年1月,北段嘅掘頭路封咗。

2018年開始,隨住安達臣道上方嘅安達臣道石礦場發展計劃開展,安達臣道由安泰邨對上至靈實恩光學校一段已經冇咗,而剩低由安達臣道9號起嘅路段將喺安泰總站對上位置新設迴旋處畀人掉頭用。[1]

參考[編輯]

  1. "安達臣道石礦場發展工程位置圖" (PDF). (原先內容 (PDF)喺2018年10月9號歸檔). 喺2019年4月14號搵到.