客氣
客氣係一種待人態度，以客自居，言行舉止，同人保持距離，唔親近。有時會視為拘禮。然而太過就好假，虛偽，唔真心，會令人反感。現今客氣唔好唔壞，多數講人客送禮多，或者推辭人家好意。古時意味有唔同，就唔咁睇，太多數貶義。
客氣唔同範疇，有其他用意思。見醫就話邪氣入體。見天文話外來之氣。
文[編輯]
客氣有典故。左傳定公八年，「公侵齊、攻廩丘之郛、主人焚衝、或濡馬褐以救之、遂毀之、主人出、師奔、陽虎偽不見冉猛者、曰、猛在此必敗、猛逐之、顧而無繼、偽顛、虎曰、盡客氣也。[1]」魯公要攻齊城，派將陽虎領兵，初時順利，後尾迫到守軍背水一戰，城軍太猛，魯軍退返出來。魯軍之中，有出名勇士冉猛，扮晒蟹唔出戰。陽虎扮睇唔到，自言自語話冉猛喺度，一定擊敗守軍。冉猛就走咗出來，行行下見無人跟，就扮嘢跌落車。陽虎話佢行為全部客氣。
依處客氣有種種解法。一種話勇士本應一馬當先，冉猛就好似客咁唔郁，點名出戰都唔情唔願，口是心非。而另一種，話佢一時之心頭有猛氣上身，而非本身勇。對於客氣依句，杜預註話「言皆客氣，非勇。」
客氣近世講法，紅樓夢有寫。「又等了一會子、黛玉經纔寫完、站起來道、簡慢了。寶玉笑道、妹妹還是這麼客氣[2]。」