有殺錯冇放過（書面語：寧枉勿縱、寧枉毋縱）係古時行嘅法制，意思係情願冤枉好人亦唔想畀兇手逍遙法外[1]。家下喺日常用語：凡係可疑都當係有問題咁處理。【枉】係【冤枉】，【縱】係【放縱】或【縱容】。
- 「今日跑馬仔，隻隻機會差唔多，我哋一於有殺錯冇放過，全部都買晒。」
- 「呢班學生睇嚟個個都似作弊，有殺錯無放過，全部拎上來校長室先講。」
有放過冇殺錯（寧縱勿枉）即係放過疑犯都唔想冤枉好人[2]。「寧縱勿枉」係一般行普通法國家法律上定罪嘅原則[3]。呢個原則係基於「無罪假定」（en:Presumption_of_innocence）。
