寶墨園

出自維基百科,自由嘅百科全書
寶墨園嘅正門牌坊(325國道邊)

寶墨園粵拼bou2 mak6 jyun4英文Bao Mo Garden)係中國廣東省廣州市嘅一間好出名嘅旅遊景區,喺番禺區沙灣西南邊嘅紫坭三善交界,325國道嘅K12+530標記位置(南邊冇幾遠係佛山順德)。而家既係番禺十景之一,又係中華人民共和國嘅一間國家AAAA級景區。公園嘅内容方面,發揮咗佢嘅大清建築特點兼融合咗現代文化、歷史、旅游、商業、飲食、遊樂配套。用咗濃厚嘅清官文化、嶺南古建築同園林藝術、珠三角特色同埋氣勢龐大嘅大型舞蹈表演而吸引咗好多中國大陸、港澳同國外遊客嚟呢度旅遊。

[編輯]

寶墨園石匾上邊啲字。呢嚿石匾係公園唯一保存得比較好嘅文物,上邊啲字由村民張晉蘭寫。喺1950年代毀園時,石匾斷過一次重俾人抌到埗頭一帶。

呢間嘢喺大清時期起好,初期係包相府所在地,後嚟改造成私家園林區,雖然1950年代被毀,但1995年,港澳同胞同社會各界啲老人一齊出錢,用咗6年時間起返寶墨園,直到2001年起好。

典故[編輯]

內文:包拯

相傳有年西江發大水,有嚿黑木漂到村邊,啲人將佢放返落江入面,點知下游水太大,木頭經常飄返到村邊,啲人覺得好怪而將黑木執返。嘉慶四年(1799年),由於朝廷要搞掂貪官和珅,結果社會刮咗埐反貪倡廉之風。後嚟啲人希望有包青天噉犀利嚟對付官吏,就將木頭刻成包青天像嚟整間包相府。

概況[編輯]

公園嘅佔地面積130幾畝。入面嘅建築、山水、園林、石橋等佈局合理同和諧自然而整成好幾幅靚景。

主要景區同建築[編輯]

白石仿古牌坊
荔湖氾舟
荷花勝境
清明上河圖嘅壁畫(前邊)
玫瑰園
露天游水池
紫洞舫
石頭記亭

白石仿古牌坊[編輯]

公園正門嘅一大特色,亦係一棟七樓八柱三門嘅石構建築,長27m,高13.68m,用咗4000幾嚿夾埋600幾t重嘅青、白兩色花崗岩嚟整,最大嗰嚿楣石有37t咁重。8條石柱都係一柱擎天,最高嗰兩條柱有6m,都按木構牌坊個樣嚟整。瓦脊係仿晚晴時期,博古形石構。牌坊正門上邊「寶墨園」三字由前中國書法家協會主席啟功寫出嚟。大門兩邊有句「寶聚紫坭點化三江連一水,墨揮南國皴成萬紫千紅。」嘅對聯,由前中華人民共和國全國政協副主席——葉選平寫嘅。牌坊後邊嘅「寶墨生輝」四字由嶺南畫派大師關山月寫嘅。對聯「鯉水耀祥雲荔景湖邊玉龍起舞,鰲山呈瑞氣生柳波堤畔紫燕於飛。」由香港書法家劉雲寫嘅。門楣四圍都係青石雕刻,畫咗宋代名將——狄青平西平南嘅古仔同花卉、瑞獸等圖。成座牌坊睇落去好似件大石雕藝術品。

清明上河圖[編輯]

內文:清明上河圖

公園一大名畫特色。原版係525cm×25.8cm嘅絲絹品種,但作品搞掂之後俾人整蠱過百幾次。但公園嗰張按北京故宮博物院嘅圖版嘅10倍比例嚟整,嘥士係62.8m×7.3m,由潮州楓溪江南陶瓷有限公司嗌咗46位技術員,用用陶瓷雕塑同彩繪相結合嘅風格,使咗三年時間嚟整。成幅圖夾埋用咗1352嚿瓷磚整出嚟。

雅集館[編輯]

公園東邊景區之一,係清末廣東通草紙畫珍品展館。入面擺咗好多用通草紙畫出嚟嘅畫。

吐艷同鳴壁[編輯]

紫帶橋
錦華亭
趙泰來藝術宮
吐艷同鳴壁(後邊)
藝林苑牌坊
寶墨堂
鑒清芮長廊
清心亭

喺寶墨園正門嘅石牌坊,九龍橋後邊。長22.38m,闊1.08m,高5.83m,面積130.48m²,計埋後邊棟墻有260.96m²;磚雕主圖有21m長,3m高,面積63m²,前後墻夾埋有126m²咁大。成嚿牌由30000幾嚿青磚雕刻整成,上面冚住綠色琉璃瓦同磚雕斗拱,下邊係白石浮雕座。成座磚雕由作者何世良用咗3年半時間整出嚟。個墻喺2000年初起好,2002年入咗健力士世界大全[1]

瑤琳幻境[編輯]

公園南邊一景,係靠住湖邊起嘅人工山仔,由假石山、溶洞、九曲橋三部分組成。有兩邊相連嘅上山石級,山上好多花同樹響度,雖然座山唔高,但好多懸崖響度,頭頂有思鄉亭,亭匾寫住都係蘇東坡嘅書法字。下邊有鐘乳洞,流水貫通。山仔隔籬有九曲橋響度。山後邊有好多樹林,而且夏無酷暑。

紫帶橋[編輯]

傳統嘅九窿石拱橋,個樣好似北京頤和園噉嘅石拱橋,兩邊有《東周列國志》、《隋唐演義》同《三國演義》等好多人知嘅立體石雕,造型準確、表情自然、動作生動、人馬旌旗、武器場景都畫得好細緻。

紫氣清暉牌坊[編輯]

紫氣清暉牌坊係紀念北宋名臣包拯同讚揚清官文化而整嘅豐碑,建築風格係仿古式嘅五疊四柱、駝峰斗拱式嘅白蔴石建築。

紫洞舫[編輯]

清平湖邊嘅一個仿古鋼筋水泥式嘅木製船舫,長21m、闊6.8m、高8.7m,有兩層樓,夾埋有140m²到。成部嘢有10個通花雕刻嘅掛落,有荔慶豐年、祥桃邀月、八仙賀壽、竹報平安、花開富貴、松鶴延年同其它花鳥魚蟲響度。尤其係船前面嘅百鳥朝鳳雕像,都幾金碧輝煌下。船舫入面嘅擺設都由花梨同酸枝木精工整成。入面啲檯凳都係仿宋代器皿。間嘢而家用嚟做茶樓,入面專門搞廣東音樂粵曲比較多。

趙少昂藝術館[編輯]

公園西南邊嘅景區之一,入面搞咗好多同趙少昂有關嘅名畫作品。

蘭圃[編輯]

公園東邊景區之一,圓門左右兩邊有楹聯。入面種咗好多蘭花,大多數由沙灣鎮蘭協(今日嘅沙灣蘭協)提供,由公園親自培養。景區喺每年春節期間開好多花。

玫瑰園[編輯]

公園西邊景區之一,入面種咗全球各地少50朵玫瑰品種嘅花,夾埋有30000幾朵。喺佈局上以遊廊式迴廊做連接各個景區嘅主要通道,全長達2000幾km。

趙泰來藝術宮(唐卡館)[編輯]

趙泰來先生嘅一間將石雕、木雕、磚雕、瓷塑、彩繪同貼金藝術合埋一齊搞展覽嘅藏品館,喺寶墨園西北邊。佢按咗珠江三角洲嘅晚晴祠堂啲樣嚟整。門口兩邊寫住「有意燒香何須遠渡南海,誠心禮佛此地也是西天。」嘅對聯嚟表達喺好遠嘅地方送寶還鄉嘅赤子之情。成間嘢有3層樓,地下室係倉庫,1樓同2樓都係展廳。呢間嘢亦係寶墨園入面,最值得睇嘅一景。

藝林苑牌坊[編輯]

公園東北邊景區之一,上面嘅「藝林苑」三個大字係宋徽宗瘦金體,左邊隔籬嘅簽名係宋徽宗睇書畫嘅丼印。牌坊後邊嘅入面同天花都有畫百鳥朝陽、蟠桃大會、天女散花、封神榜啲人。地面鋪咗好多大明時期嘅白坭階磚,係苑入面嘅文物。四圍都係漢白玉花護欄。

寶墨堂[編輯]

睇埋:擲硯洲

弘揚清官文化嘅嶺南仿古建築。入面有好多靚嘅藝術品。入面有8組石灣陶塑人像,其中最中間嗰組同寶硯投江古仔有關。

楊善深藝術館[編輯]

公園東北邊嘅景區之一,入面搞咗好多同楊善深有關嘅名畫作品。

渭水橋[編輯]

公園東邊一景。之前係番禺新造北亭崔地橋門坊,南宋時期起喺北溪。後因中華人民共和國成立之後要發展交通而將條橋拆咗。條橋原先由木整成,大明重修成紅石橋,大清乾隆時期重修成白蔴石橋。而家係番禺一名橋。

觀魚水榭[編輯]

喺清平湖東邊,2層樓高,屋頂係玉包金樣,漆柱係朱紅色,天花係綠色嘅貼金圖案,每層樓有200幾m²咁大。其中2樓係露天平臺,入面有5套石臺石凳;1樓出面都係紅綠兩色嘅美人靠長凳。呢個景區係最好睇魚同餵魚嘅位。

分司橋[編輯]

公園東北邊一景。之前係番禺石碁官涌東邊、永善西邊嘅一座橋,後因中華人民共和國成立之後要發展交通而將條橋拆咗。條橋原先由兩孔紅石整成,後嚟改鋪白蔴石。

治本堂[編輯]

寶墨園其一建築,之前係包公花廳,但1950年代冧咗,後嚟俾人按返舊時個樣嚟整。個名出喺包公遺詩嘅「清心為治本,直道是身謀。」一句,係「為官清廉乃治國之本」噉解。廳中間嘅包拯像按咗北京故宮南薰殿嘅畫嚟整,廳柱上邊嘅楹聯讚咗好多同包拯有關嘅嘢。兩邊嘅玻璃櫃都介紹咗同包拯有關嘅葳蕤史。

漢白玉觀音像[編輯]

公園東北邊一雕像,喺1996年起好,個樣按返寶墨園嘅觀音塑像諗法嚟整。

龍圖館(蠟像館)[編輯]

個館因包拯做過龍圖館閣直學士而改成噉嘅名。入面都擺咗好多同包公有關嘅蠟像響度。

清心亭[編輯]

公園東邊一景,名出喺大宋清官——包拯遺詩《提訓齋壁》嘅「清心爲治本」一句。亭邊有「清陰舒浩氣,心鏡照仁風。」同「清心足以量今古,明鏡高懸辨僞眞。」嘅兩句對聯。

門飛同開放時間[編輯]

呢間公園嘅開放時間係每日08:00~22:30,門飛方面:

  • 凈玩寶墨園景區:
    成人票每位30,節假日43。
    1.2m≤身高<1.5m嘅細路/60≤歲數<70嘅老坑(要有廣州或佛山嘅老人證):半票
    身高<1.2m(一定要有全票嘅人陪同)/歲數≥70嘅老坑(要有廣州或佛山嘅老人證):免票。
  • 玩寶墨園+南粵苑景區:
    成人票每位40,節假日53。
    1.2m≤身高<1.5m嘅細路/60≤歲數<70嘅老坑(要有廣州或佛山嘅老人證):半票
    身高<1.2m(一定要有全票嘅人陪同)/歲數≥70嘅老坑(要有廣州或佛山嘅老人證):免票。
  • 注意:
  1. 買寶墨園套飛嘅遊客先至畀入到南粵苑。因為南粵苑啲門飛唔單賣,統一喺嗮寶墨園景區附近買。
  2. 買咗套飛嘅遊客必須要遊覽嗮兩個園區,因為南粵苑唔受理有關退門飛嘅手續(除公園遇到突發情況外)。

睇埋[編輯]

[編輯]

  1. 吐艳和鸣壁 互聯網檔案館歸檔,歸檔日期2016年2月4號,. 寶墨園

連出去[編輯]

出面網頁[編輯]