寶山村

寶山村（粵拼：bou2 saan1 cyun1）可以指以下地方：

• 吉林省
  • 吉林市
    • 蛟河嘅村，請睇《新站鎮》

      民國十六年（1927年）開村，村姓謝氏，初時地名叫螞蟻稍（maa5 ngai5 saau2），因爲當地啲樹好多都有螞蟻竇。1936年設行政村時，改名叫寶山，當時攞寶字起頭，用「山河林安」做名，因此當地附近又有寶河、寶林、寶安呢啲地名。

      當地有寶山北山遺址，村北面嘅山度出土咗1件石刀、1件石斧、3塊陶片，判定屬西團山文化，喺2009年全國第三次文物普查發現。

      滿洲國康德三年（1936年）設行政村，1946年屬龍鳳區，1954年區撤銷咗，屬雙頂子鄉，1962年由村改成寶山大隊，1983年恢復爲村委會。2001年撤銷龍鳳鄉，寶山村歸入新站鎮。

    • 磐石嘅村，請睇《寶山鄉》

      清光緒八年（1882年）開始有人墾荒，光緒二十四年（1898年）開村，初時叫大醬缸屯（daai6 zoeng3 gong1 tyun4），因爲當地好多爛泥湴。呢度附近有大小鍋盔山，山上森林茂盛，生物繁多，因此俗稱叫寶山。1935年設行政村時，因爲呢度喺山東面，而改名叫東寶山屯（dung1 bou2 saan1 tyun4），日後簡省咗隻字，就叫做寶山。相對應佢嘅西面有西寶山，係光緒元年（1875年）由潘氏同賀氏開村，行政上屬寶山村。

• 黑龍江
  • 黑河遜克嘅村，請睇《寶山鄉》

    村名出於佢係鄉政府駐地，原本係公社嘅三連。而公社嘅七連就係石瑩村，後來兩村人口增長，連成一片，就喺2001年3月石瑩併入寶山。寶山鄉嘅名出於呢度地下有豐富嘅礦藏，有銅、鐵、金、瑪瑙、瓷土、珍珠岩、大理石。

  • 齊齊哈爾甘南嘅村，請睇《寶山鄉》

    跟咗上頭鄉名而得名。

  • 綏化北林區嘅村，請睇《寶山鎮》

    因爲呢度遍地出產藥材，啲人話係笪寶地，就噉起咗地名。

• 臺灣新竹嘅村，請睇《寶山鄉》
• 內蒙古呼倫貝爾莫力達瓦嘅村，請睇《寶山鎮》

  1905年開村，開村人叫閻寶山，因而得名。佢係鎮政府嘅駐地，駐地本身叫腰寶山屯；南面有南寶山屯，喺1942年開村；東面嘅山坡有東寶山屯，喺1942年設立，喺村委會嘅所在地。

• 雲南麗江玉龍嘅村，請睇《寶山鄉》

  跟咗上頭鄉名。元代時呢度設寶山州，因爲呢帶多山，出產豐富嘅名貴藥材，所以嗌做寶山。寶山河流經條村，最後注入金沙江。

• 湖南長沙瀏陽嘅村，請睇《七寶山鄉》

  因爲村度有大七寶山同小嶺山而得名。大七寶山係七寶山一部分，第個部分叫小七寶山，山名在於座山盛產七種礦產：金、銀、銅、鐵、錫、硫、鉛。

• 江西吉安萬安嘅村，請睇《寶山鄉》

  跟咗上頭鄉名，因爲佢係鄉政府駐地。鄉名出自呢度有石灰石同煤炭嘅礦藏。

出面網頁

• 中國國家地名信息庫