對山園
| 對山園 | |
|---|---|
| 廣州市文物保護單位 | |
 增埗公園南門附近嘅對山園建築 | |
| 喺邊 | 荔灣區增埗村 |
| 類 | 民國建築 |
| 時代 | 民國 |
| 冧 | 7-95 |
| 登錄 | 2008年12月19號 |
| 地圖 | |
對山園（粵拼：deoi3 saan1 jyun4）係廣東廣州嘅一個私家花園，1931年初起好，位置喺荔灣區增埗嘅增埗公園入面。而家屬廣州市文物，風格同中山紀念堂好相似。
史
[編輯]1929年春末夏初，做緊廣東銀行副部長同中華民國軍需處處長一職嘅黃冠章，喺增埗一帶起咗間私家花園，直到1931年初起好。自從花園落成後，黃冠章好少喺度住，直到1945年死咗之後按佢嘅意願，第二年改成導正中學，但凈辦咗3年就停辦。中華人民共和國成立後變成廣州雜技團嘅訓練基地，但隨後逐漸成為民宅，最多時有卅戶人家入住過。
由於廣州市搞基建時要好多石灰，所以1958年徵咗佢出面到增埗河一帶嘅地搞石灰廠。而佢本身啲建築同後嚟臨時起好啲平房做咗民宅，直到1999年工廠搬走為止。
2001年，廣州市人民政府同荔灣區人民政府決定將佢納入青山綠地重點工程而恢复返原貌，重順手起埋增埗公園。2005年9月俾文化局列入第四批登記文物，2008年12月19號俾市政府列為文物。
風格
[編輯]私家花園佔地面積9384m²。主體係間五開間重簷歇山頂嘅殿堂式建築，雖然用嘅係鋼筋混凝土，但同嗰時啲建築相比，佢先進啲。風格既體現咗中西合璧嘅傳統宮殿式嘅華貴建築風格，又體驗咗嶺南建築特點同南北融合嘅特色。建築用嘅係鐘形窗，喺廣州地區屬獨一無二。
睇埋
[編輯]有關嘅書
[編輯]- 《广州市地名志》 广州市地名委员会 ISBN 7-5359-0296-0
連出去
[編輯]- 增埗公园有座“小中山纪念堂” GZ-LIWAN
- 对山园揭秘 鳳凰網 （2011-07-13）