小中千昭
| 小中 千昭 こなか ちあき | |
|---|---|
| 編劇 | |
| 英文名 | Chiaki J. Konaka |
| 國籍 | 日本人 |
| 出世 | 1961年4月4號 日本東京 |
| 職業 | 編劇、小說家 |
| 屋企人 | 小中和哉（細佬） |
| 代表作品 | 特攝 《超人迪加》 《超人佳亞》 劇集 《報應上身 〜眼〜》 動畫 《魔法使俱樂部》 《不可思議魔法藥店》 《玲音》 《女惡魔人》 《The Big O》系列 《數碼暴龍3馴獸師之王》 《怪 ayakashi》 《神靈狩/GHOST HOUND》 |
| 活躍年代 | 1988年 - |
小中千昭（小中 千昭 こなか ちあき?, 英文：Chiaki J. Konaka，1961年4月4號—）係一位日本男性編劇、小說家，東京都出生，成城大學畢業。映畫美學校編劇課程講師[1]。
生平
[編輯]代表作有科幻電影《くまちゃん》（同時負責編劇同配樂，佢細佬小中和哉就做導演）、特攝《超人迪加》、《超人佳亞》、動畫《玲音》、《神靈狩/GHOST HOUND》等等。《不可思議魔法藥店》48集劇本全部都係出自佢手。
小中千昭嘅英文名Chiaki J. Konaka中間嘅「J.」係佢12歲開始拍8米厘菲林電影嘅時候加嘅，因為佢覺得喺個名度好似西名咁加個中間名，例如Charles M. Schulz咁，比較有型。「J.」係嚟自教名「John（約翰）」，因為佢雙親都信奉日本聖公會，不過佢本人並唔係教徒。[2]
早期，佢主要為恐怖作品寫劇本。佢執筆嘅《邪願霊》、《ほんとにあった怖い話》等嘅錄影帶首映作品，對後來電影導演中田秀夫、黑澤清、編劇高橋洋嘅「日本恐怖電影」（ジャパニーズ・ホラー映画）風格作品影響好大。佢喺著作《恐怖電影嘅魅力》（ホラー映画の魅力，岩波書店）詳細描述佢嘅表現手法，稱之為「小中理論」。
由1996年OVA版《魔法使俱樂部》開始，佢為唔少嘅動畫編劇。
佢參與嘅作品，例如《インスマスを覆う影》、《超人迪加》、《奥美蒂III》、《數碼暴龍02》、《THE Big O》、《新鐵甲人》等，都摻透住括吐露神話嘅元素。佢亦都有份制作《女惡魔人》、《怪 ayakashi》等多部恐怖元素濃厚嘅動畫。而佢筆下嘅《鹹蛋超人》作品，有好多主角俾女反派蹂躪嘅描寫。
佢係Macintosh 電腦愛好者。業餘會參與人偶製作，曾經監修由NOIX DE ROME（ノアドローム）生產，《玲音》嘅主角岩倉玲音嘅人偶[3]，亦試過同NOIX DE ROME合作製作人偶3D動畫Malice@Doll[4]。佢對音樂有豐富嘅知識同興趣，係樂隊「#3b3オーケストラ」嘅低音結他手，亦係BABYMETAL嘅擁躉，其著作《BABYMETAL試論》以17萬餘字分析BABYMETAL嘅表演。[5]
2017年10月為咗記念《數碼暴龍3馴獸師之王》Blu-ray box發售，[6]佢以作品裏面嘅角色——山木滿雄嘅名義開設Twitter帳號[7]。
爭議
[編輯]2021年8月1號，「數碼祭2021」（DigiFes2021）上演嘅朗讀劇《數碼暴龍馴獸師之王2021》，劇本由小中千昭撰寫。故事講述2021年日本嘅情報系統越趨高度統一，有邪惡勢力用過分嘅政治正確逼迫所有人認同單一價值觀，剝奪人民嘅自由意志。[8]網絡上充斥用來掩蓋真相嘅虛假資訊，以「事實核查」為名消滅同官方意見唔同嘅聲音，而「取消文化」就係呢股邪惡勢力最強大嘅攻擊手段。[9]隨住民間字幕組發佈嘅英文字幕版喺歐美傳播，引起歐美好多自認係左派立場支持政治正確運動嘅粉絲反彈，覺得呢個係抹黑政治正確運動，取消文化冇傷害任何人嘅自由，只係畀佢哋為自己嘅言論負責。但係亦有另一班同相反立場嘅人，可能唔一定自認係右派，但覺得而家嘅政治正確風潮真係太過火，而且強烈反對取消文化呢啲行為嘅粉絲存在。兩派喺網絡上開始隔空交火，最後喺小中千昭嘅網誌發動抗議同互相攻擊。 [10]作為回應，小中千昭喺8月8號發表一篇英文聲明，解釋佢原本嘅用意，[11]並為引起「撕裂粉絲，喺粉絲之間造成對立」道歉，同時重申「自己喺劇中冇表達特定政治立場」，但聲明文章裡冇為劇本錯誤而認錯嘅意思，仲表示今後唔想再觸碰呢個敏感話題 。[12]
主要作品
[編輯]錄影帶首映作品
[編輯]- 邪願霊（1988年） - 編劇､配樂
- 地球防衛少女イコちゃん3 大江戸大作戦（1990年）
- 超人G（1990年） - 原案､編劇，同時負責《ウルトラマンG交響組曲》嘅映像。
- ヘイ!オイラーズ -甦るスカイライン神話-（1991年） - 劇本同横山雅志共同執筆
- ドラッグレス（1991年）
- 毛骨悚然撞鬼經歷（1991年）
- 戦慄のムー体験（1994年）
- 毒婦 プワゾン・ボディ（1995年）
- スキャンドール（1996年）
- 魔法使俱樂部（1996年）
- 悪霊怪談 呪われた美女たち（1996年）
- 夫妻成長日記（2002年）
- PARASITE DOLLS（2003年）
電影
[編輯]- TARO! TOKYO魔界大戦（1991年）
- 死霊の罠2/ヒデキ（1992年）
- くまちゃん（1993年）
- ドライビング・ハイ!（1993年）
- DOOR III（1996年）
- THE DEFENDER（1997年） - 原案､編劇
- 玻璃之腦（2000年）
- 蛇女（2000年） - 原案､編劇
- Malice@Doll（2001年）
- 稀人（2004年） - 原案､編劇
- 楳圖一雄恐怖劇場 《まだらの少女》、《DEATH MAKE》（2005年）
- 鏡子超人REFLEX（2006年）
- 奇諾之旅（2007年）
- 師匠系列（2016年）
- VAMP（2019年） - 原作､編劇
電視劇
[編輯]- 奇幻世紀《屋上風景》（1990年）
- B級ホラー WARASHI!（1991年）
- ギミア・ぶれいく《インスマスを覆う影》（1992年）
- 学校の怪談（1994年）
- 乱歩〜妖しき女たち〜（1994年）
- Alice 6（アリス・シックス）（1995年）
- 学校の怪談R（1996年）
- 鹹蛋超人
- 報應上身（1997年）
- 学校の怪談f（1997年）
- 通靈學園大作戰（1997年）
- 学校の怪談G（1998年） - 総合構成
- 報應上身 〜眼〜（2004年） - 劇本統籌
動畫
[編輯]- 奥美蒂III（1996年）
- 雙面特攻（1996年 - 1997年）
- 鬼太郎（第4作）（1997年） - 第89集嘅編劇
- 吸血姬美夕（1998年） - 第20集嘅編劇
- 不可思議魔法藥店（1998年） - 劇本統籌､所有集數嘅編劇
- 玲音（1998年） - 劇本統籌､所有集數嘅編劇
- 吹波糖危機2040（1998年） - 劇本統籌
- 餓沙羅鬼（1998年）
- 女惡魔人（1998年） - 劇本統籌
- とつぜん!ネコの国 バニパルウィット（1998年） - 劇本同なかむらたかし共同執筆
- 魔法使俱樂部（1999年） - 劇本統籌
- The Big O（1999年） - 劇本統籌
- 數碼暴龍02（2000年） - 第13集嘅編劇
- 破壞魔定光（2001年） - 第7集嘅編劇
- 數碼暴龍3馴獸師之王（2001年） - 劇本統籌
- Hellsing（2001年） - 劇本統籌[15]
- 怪物小管家（2001年）
- 翼神世音（2002年）
- 彩夢芭蕾（2002年）
- 小飛俠阿童木（2003年）[16]
- THE Big O second season（2003年） - 劇本統籌､所有集數嘅編劇
- TEXHNOLYZE（2003年） - 劇本統籌
- 星星公主（2003年） - 劇本統籌
- 交響詩篇（2005年） - 第16､30集嘅編劇
- 怪 ayakashi《四谷怪談》（2006年）
- 飛輪少年（2006年） - 劇本統籌[17]
- 物怪（2007年） - 「海坊主」、「鵺」篇編劇
- 神靈狩/GHOST HOUND（2007年） - 劇本統籌
- 新鐵甲人（2007年） - 劇本統籌
- 地獄少女 三鼎（2009年） - 第20集嘅編劇
網絡劇集
[編輯]- 拝み屋怪談（2018年）
- 拝み屋怪談Ⅱ（2019年）
遊戲
[編輯]- 愛麗絲 in Cyberland（1996年） - 編劇
- 玲音（1998年） - 編劇
- 吸血姫夕維〜千夜抄〜（2003年） - 劇本統籌
散文
[編輯]- 「Night Shift」@internetarchive（1997年12月 - 1999年1月、Macaroni Ammonit）
其他
[編輯]- 樂勝！Hyper Doll（1995年） - 特典映像中寫實部份嘅編劇（同時由小中和哉執導）。
- THE・主持人《超難解推理測驗 頭腦警察》（1995年） - 劇本改編
- 小中千昭、小中和哉兩兄弟曾經構思過一套佢哋嘅「小中卡美拉」（後來採用咗伊藤和典嘅劇本，拍成1995年嘅卡美拉 大怪獸空中決戰），據說依份劇本後來用咗喺《數碼暴龍3馴獸師之王》同《小勇者們～卡美拉～》嘅初期構思當中[18]。
著作
[編輯]- 魔法使俱樂部小説版 第1–4卷（同佐藤順一共同製作，1996年 - 1998年，富士見Fantasia文庫）
- ディフェンダー（1997年，電擊文庫）
- lain - scenario experiments（1999年，SONY MAGAZINES）
- 深淵を歩くもの（2001年4月、德間Dual文庫） - 短編小說集
- READ ME!
- 部屋で飼っている女
- イモーター
- 夜はいくつの目を持つ
- メイクアップ
- 0.03フレームの女
- 夜歩く子
- 屍街
- 深淵を歩くもの
- 神佑
- キリエル人
- 蔭州升を覆う影
- ホラー映画の魅力 ファンダメンタル・ホラー宣言（2003年，岩波書店） - 評論
- 稀人（2004年，角川ホラー文庫） - 電影《稀人》嘅小說版
- Despera（Animageにて2009年7月號連載，同中村隆太郎､安倍吉俊共同製作，德間書店）
- 恐怖の作法:ホラー映画の技術（2014年，河出書房新社）
- 為咗繼承光 超人迪加（光を継ぐために ウルトラマンティガ，2015年，洋泉社）
- BABYMETAL試論（2016年，アールズ出版）
- 超人迪加 致輝煌嘅人（ウルトラマンティガ 輝けるものたちへ），2019年，早川書房）
選集
[編輯]- クトゥルー怪異録 極東邪神ホラー傑作集（1994年，学研ホラーノベルズ）——《蔭洲升を覆う影》
- 異形コレクション 侵略!（1998年2月，廣済堂文庫）——《夜歩く子》
- 十二宮12幻想（2000年，艾尼克斯）——《共有される女王》
- 怪獣文藝の逆襲（2015年，角川文庫）——《トウキョウ・デスワーム》
- 日本怪獣侵略伝 〜ご当地怪獣異聞集〜（2015年，洋泉社）——《東京都 まぼろし怪獣ジューニガイン》
- きっと、夢にみる 競作集 怪談実話系（2015年，角川文庫）——《偶像の聖痕》
- 遥かなる海底神殿（2015年，創土社）——《キングダム・カム》
- 彼方からの幻影（2016年，創土社）——《Far From Beyond》
- 異形コレクションLI 秘密（2021年6月、光文社文庫）——《モントークの追憶》
連載
[編輯]- トクサツ映画のディスクール - 發表喺特攝雑誌《宇宙船》嘅專欄，擇寫對自己作品同其他特攝作品嘅感想同解說。由1993年夏季（第65期）到1996年冬季（第75期），一共11期。
參考
[編輯]- ↑ 映画美学校 小中千昭
- ↑ Seraphita, Nicole (2015-06-23). "Interview with Screenwriter Chiaki J. Konaka". APGNation. 原著喺2015-06-24歸檔. 喺January 11, 2019搵到.
- ↑ 玲音 - a-one-10
- ↑ 小中千昭個人網站Malice@Doll介紹
- ↑ BABYMETAL試論 - 株式会社アールズ出版
- ↑ 〈『デジモン』"関係者に聞く！"特別版に豪華ゲストが出演！最新作『ハッカーズメモリー』やアニメについて熱く語った〉。Fami通。
- ↑ Digimon Tamers Update
- ↑ 〈《數碼寶貝》記念朗讀劇以「政治正確」為敵惹議 劇作家為撕裂粉絲發表道歉聲明〉。《遊戲基地》。
- ↑ 〈《數碼寶貝》遭歐美網友指控為醜化「取消文化」的右翼立場 並於推特掀起兩派爭論〉。《日刊電電》。
- ↑ Morissy, Kim (2021-08-04). "Digimon Tamers 20th Anniversary Stage Show Features 'Cancel Culture' Villain". Anime News Network. 喺2021-08-04搵到.
- ↑ Konaka, Chiaki. ""Digimon Tamers 2021" Announcement to Overseas Fans". Chiaki J. Konaka in Nyx. 喺2021-08-16搵到.
- ↑ Morissy, Kim (2021-08-09). "Digimon Tamers Writer Chiaki J. Konaka Responds to Overseas Backlash Over 20th Anniversary Stage Play". Anime News Network. 喺2021-08-09搵到.
- ↑ 光を継ぐために，頁 203, 対談 笈田雅人（プロデューサー）
- ↑ 夜明け，頁 162
- ↑ "HELLSING". GONZO公式サイト. 喺2016-06-12搵到.
- ↑ 〈アストロボーイ・鉄腕アトム〉。手塚治虫公式サイト。喺2016-05-19搵到。
- ↑ 〈エア・ギア : 作品情報〉。アニメハック。喺2020-12-06搵到。
- ↑ 〈という事をここに書いているのは、以前にも書いたけれど、テイマーズの1～3話は設定などは全然違うものの、小中兄弟版ガメラのエッセンスが濃厚に入っている。だからもしこの映画が成立していたら、テイマーズは生まれなかったとも言える〉。X@小中千昭 Chiaki J. Konaka。
文獻
[編輯]- 《光を継ぐために ウルトラマンティガ》 (日文)。2015-02-16。ISBN 978-4800305893。
- 《平成特撮の夜明け》。映画秘宝セレクション (日文)。2018-03-06。ISBN 978-4800314277。
出面網頁
[編輯]- 小中千昭嘅官方網站 （日文）
- こぐま兄弟舎 （日文）
- 映畫美學校編劇課程講師嘅網誌 （日文）
- TBS RADIO ライムスター宇多丸のウィークエンド・シャッフル サタデーナイト・ラボ 7月10日「恐怖特集」（高橋洋解釋小中理論以及小中千昭對日本恐怖電影嘅影響） （日文）
- 浅田真央試論（網誌，對於淺田真央嘅討論） （日文）
- BABYMETAL試論（網誌，對於BABYMETAL嘅討論） （日文）
- FJMOVIE對小中千昭嘅訪問 （日文）
- 小中千昭 Chiaki J. Konaka嘅Twitter