山竹牛肉

山竹牛肉球

山竹牛肉，係點心一種，茶樓常見。見諸省城、香港、澳門等地。顧名思義，成份有牛肉，以及山竹，山竹係「山水腐竹」嘅簡稱。

佢係用牛肉加入馬蹄、蔥、陳皮（果皮）同調味料，製成肉丸，放喺腐竹上。通上會有碟仔，底放腐竹，放三個肉丸，再放喺蒸籠度蒸熟。有啲一大籠放好多碟一齊蒸，亦有啲一籠仔一碟。

食之前多數會加上喼汁調味。

由於時下講求健康，興多菜蔬。時下有啲食肆，會用新鮮合時嘅蔬菜，代替腐竹，叫做「時菜牛肉」。

香港食品廠，山竹牛肉製成急凍點心，喺超級市場有得賣。