巴士模擬
巴士模擬（縮寫「OMSI」），係由專門設計模擬程式及插件嘅公司MR Software喺2011年2月18號開發嘅模擬遊戲[1]。喺2013年12月12號，MR Software推出《巴士模擬2.0》。
簡介
[編輯]OMSI巴士模擬系列第一代背景地圖以1989年當時仲未統一嘅西德西柏林斯潘道區同虛構城鎮君渡小鎮為遊戲主題，而第二代OMSI就以1986-1994年間柏林斯潘道區德國統一嘅前後變化為主題，特點係柏林圍牆冧前後景況，並新增前東德勃蘭登堡州嘅法爾肯塞地圖同一條通往西柏林地鐵車站嘅地圖。
呢個遊戲二代版本雖然全部由德國人研發同設計，但就深受香港嘅巴士迷歡迎。有唔少香港巴士迷網頁設有香港地圖同埋香港巴士車輛下載區，畀巴士迷能夠體驗模擬揸巴士嘅感覺，而OMSI已經喺近年取代昔日巴士迷喺MM2揸香港巴士同地圖嘅角色，但亦因為近年香港玩家質素不斷下降，搞到唔少製作單位因而特登唔推出作品，炫耀、侵權、改車風氣亦都因此喺香港界盛行。[未記出處或冇根據]