平反八九民運議案

平反八九民運議案係喺香港議會上提過十二次嘅議案，主題係要求北京政府坦誠面對八九年天安門事件，開放政制；除咗1997年頭一次以大比數通過，以後十一次都被否決。

2009年[編輯]

2009年嘅「毋忘六四事件，平反八九民運」議案，由李卓人動議，表決結果係：直選 19-9通過（0棄權）功能組別 4-7（11棄權）唔過；表決時李卓人邀請各議員起身為死難者默哀一分鐘；有人起有人冇起。四項修訂，論及曾蔭權嘅言論，同中史教科書嘅內容，都被否決。

公民黨嘅梁家傑話，唔應該怪學生，怪就怪當局處理件事嘅手法。湯家驊讀丁子霖嘅遇難者名單，講到個九歲細路哥點死，想喊讀唔落去。何俊仁話，中共唔肯面對歷史。陳淑莊話唔可以淨係掛住經濟發展唔理人權、民主同法治。

會計界嘅陳茂波話，而家重未掌握六四事件全部事實，所以好難平反。自由黨嘅劉健儀話件事係悲劇，但「歷史自有公論」。

李卓人就建制派議員例牌缺席辯論（呢次去咗睇93彊屍先生）聽到鐘響至返來投反對票，佢就話佢哋好似戲入面嘅彊屍。

2000年5月，司徒華動議：「本會呼籲：毋忘六四事件，平反八九民運。」結果，地方選區及選舉員會 14贊成12反對通過；但功能組別 5贊成7反對9棄權否決。^[1]

呢篇平反八九民運議案係政治類嘅楔位文章，未完成；麻煩你幫手加下料，充實佢。