廉布文

出自維基百科,自由嘅百科全書
廉布文
ᤕᤰᤌᤢᤱ ᤐᤠᤴ
發音/yɑktʰuŋ pan/
用嘅國家、地區尼泊爾、印度
區域尼泊爾東部、印度錫金同大吉嶺
講嘅人口38萬(2011年)[1]
系屬
文字廉布字母
官方地位
官方語言尼泊爾、印度錫金
管理機構
語言代碼
ISO 639-1
ISO 639-3lif
Indic script
Indic script
呢版有婆羅米系文字。如果你部電腦無相應嘅字型來支援顯示,噉可能啲字嘅元音符號會附標喺唔啱嘅位置。請去睇英文版嘅幫助來解決呢個問題。

廉布文粵拼lim4 bou3 man4*2;廉布文:ᤕᤰᤌᤢᤱ ᤐᤠᤴ,音標:/yɑktʰuŋ pan/,拉丁轉寫:yakthung pān)係種屬於漢藏語系嘅語言。住喺尼泊爾印度廉布人英文Limbu people講呢種話。呢種語言用廉布字母英文Limbu alphabet記錄。

廉布人自稱做「若通」(Yakthung),而佢哋嘅話則叫做「若通班」(Yakthung pān)。廉布文有四大方言:皮打比(Phedape)、查他里(Chhathare)、淡八歌利(Tambarkhole)、班他里(Panthare)。

喺咁多方言當中,皮打比方言最多人講,大多數廉布人都聽得明呢種方言。不過生產、控制知識嘅學者主要來自班他里方言嘅人,所以班他里話有成爲標準語嘅趨勢。就好似班他里嘅廉布人喺中央政治、行政上佔據優勢噉,佢哋試住令佢哋嘅方言成爲標準嘅廉布文方音。

廉布話係尼泊爾、大吉嶺、樟樹、錫金、不丹、緬甸、泰國講同寫嘅主要語言之一。而家,啲語言學者得出結論話廉布文同藏文、絨巴話類似。

喺廉布人用師利章嘉(Sirijanga)字母前,喺東尼泊爾通用絨巴字母,特別係茂絨(Maurong)地區。師利章嘉字母消失咗就來800年,係地-昂師·師利宗嘉·先·提比(Te-ongsi Sirijunga Xin Thebe)復活咗呢種字母。

分佈[編輯]

據《民族語》,講呢種話嘅人主要分佈喺尼泊爾。

方言[編輯]

據《民族語》,下面係廉布文嘅方言。

  • 第一區方言
    • 班他里(Panthare)
    • 罩必些(Chaubise)
    • 羊各洛伽(Yanggrokke)
  • 第二區方言
    • 皮打比(Phedappe)
    • 淡八歌利(Tamorkhole)
  • 第三區方言
    • 查他里(Chhathar)

羊各洛伽、罩必些係班他里方言嘅細變種。皮打比同淡八歌利相似。查他里方言冇咁易畀另外兩個大方言嘅人聽得明。喺錫金講嘅廉布文方言亦係班他里。

師利章嘉字母[編輯]

廉布文字。灰色嗰啲字係而家廢咗嘅。

廉布、絨巴尼婆羅喜馬拉雅中部僅有嘅三種有自己文字嘅漢藏語種[2]。廉布字母,或者叫師利章嘉字母,係18世紀早期發展嘅,當時正值佛教喺錫金擴張,而廉布彎(Limbuwan)仲係屬錫金[3]。廉布字母嘅創製大概同絨巴字母創製同期,大約喺錫金第三任國王在位時期。不過啲人多數信廉布字母係由9世紀時嘅師利章嘉王設計嘅。之後廉布字母畀跌耶-昂師·師利章嘉二世(Tye-Angsi Sirijanga II)重新設計推廣。因爲師利章嘉二世用咗佢大部分時間來發展廉布人及其文化、文字,所以啲人認爲佢係9世紀師利章嘉王嘅轉世。

因爲師利章嘉二世係個有驚人影響力嘅人,廉布文化發展得好快,多桑(Tasang)僧侶好驚佢。呢班僧人擔心師利章嘉二世會改變錫金嘅社會、文化、語言嘅構成。於是,多桑僧侶捉住咗師利章嘉,將佢綁喺樖樹度,用毒箭射死佢。

廉布同絨巴字母都係錫金佛教擴張時期設計嘅。不過,師利章嘉係個廉布出身嘅佛教徒,喺錫金嘅大喇嘛之下學過佛。所以師利章嘉賜名做「楊祿(Yangrup)嘅多傑喇嘛」。

佢嘅語言、字母受藏文天城字嘅雙重影響。唔同大多數嘅婆羅米文字,佢冇單獨嘅獨立元音字母,代替嘅係用元音附加符表示。

自18世紀末葉以來,尼泊爾嘅廉布文用得好少。因爲佢哋社羣嘅文化特徵畀啲統治精英認爲係對國家統一嘅威脅。佢哋禁咗廉布文,唔準啲人寫佢哋嘅文字。雖然無具體嘅法律,但加德滿都方面根據所謂嘅安全法落指示去禁廉布文。

[編輯]

廉布文有獨自嘅文字,佢嘅字母同藏文、錫金文字母類似。因爲尼泊爾禁止咗廉布文嘅教學,所以喺尼泊爾,大部分廉布人嘅母語書寫水平低過佢哋嘅尼泊爾文水平。雖然好多書被迫用天城字或者羅馬字來寫廉布文,但而家廉布字母已經電腦化咗,所以能夠用呢種字來出版文章。

出版[編輯]

廉布文有好多書、刊物出版。《晨星》(Tanchoppa)係自1995年開始出版嘅廉布文月刊。之外亦有其他出版。已知最老嘅廉布文書面材料出自1850年代嘅大吉嶺,係現代廉布文書寫嘅先聲。而家呢啲文物收藏喺倫敦嘅印度圖書館。

[編輯]

喺尼泊爾,廉布文僅私人教授。尼泊爾政府出版咗小學生一到五年級用嘅教科書,畀民間教學用。

喺錫金,自從1970年代,啲英文中學都有廉布文課程,作爲廉布地區嘅語文科。有超過四千嘅學生從300個老師度每日學一個鐘。1到12年級廉布文課本亦有提供。

參攷文獻[編輯]

  • Driem, George van(佐治·范·德廉) (1987年). A grammar of LimbuMouton grammar library; 4;布文語法. 柏林: Mouton de Gruyter. ISBN 3-11-011282-5. {{cite book}}: Cite has empty unknown parameter: |1= (help)
  • 西義郎、龜井孝、河野六郎、千野榮一 (1993年). ンブ語布語, 三省堂語言學大辭典.5 (日文). 東京: 三省堂. p. 418a-447b.

[編輯]

  1. 2015年第18版《民族語》(Ethnologue)記嘅廉布文。
  2. (Sprigg 1959: 590)
  3. (Sprigg 1959: 591-592 & MS: 1-4)

出面網頁[編輯]