廣州國際羽毛球培訓中心

廣州國際羽毛球培訓中心（粵拼：gwong2 zau1 gwok3 zai3 jyu5 mou4 kau4 pui4 fan3 zung1 sam1）（英文：Guangzhou International Badminton Trainning Center）係中國廣東廣州嘅羽毛球館，2010年10月29號起好，2011年3月18號對外開放，位置喺黃埔區廣州科學城映日路1號（映日路同科學大道交界西北角近廣州科學城體育公園東南角嘅山崖邊）。

佢既係間完全按羽毛球世界聯合會最高級別賽事標準而設計嘅羽毛球訓練同比賽嘅場館，又係亞洲到世界唯一專門為羽毛球項而設計兼同時有埋綜合性多功能嘅體育場館，亦係廣州到中國大陸同國際嘅專業羽毛球隊訓練基地同世界第二大國際羽毛球培訓中心^[3] 。2010年亞洲運動會嘅部分羽毛球賽事就喺呢間場館辦過。

概況[編輯]

間嘢佔地27863㎡，建築面積21164㎡，其中正規比賽場地4個、訓練場地20個、有2733個睇比賽嘅專用凳同93間運動員公寓響度。