廣州都城隍廟

出自維基百科,自由嘅百科全書
城隍廟
廣州市文物保護單位
喺邊廣州市越秀區
座標23°7′45.46″N 113°15′56.32″E / 23.1292944°N 113.2656444°E / 23.1292944; 113.2656444座標: 23°7′45.46″N 113°15′56.32″E / 23.1292944°N 113.2656444°E / 23.1292944; 113.2656444
古建築
時代清朝
4-7
登錄1993年
地圖
Map

 廣州都城隍廟粵拼gwong2 zau1 dou1 sing4 wong4 miu6*2 ,又叫廣州府城隍廟gwong2 zau1 fu2 sing4 wong4 miu6*2廣州城隍廟gwong2 zau1 sing4 wong4 miu6*2,係時期,嶺南地區最大、最勁嘅城隍廟。喺中國廣東省廣州市越秀區中山四路文德路嘅交界。清朝羊城八景入面講嘅「孤兀禺山」就喺佢附近。

[編輯]

廣州都城隍廟嘅用字,喺屋簷同碑誌嗰邊都寫住「都城隍廟」四個字。

城隍廟喺明朝洪武三年(1370年)起,不過而家棟廟喺清朝時重新起過嘅。根據清朝香山(而家係中山市)人黃芝寫嘅《粵小記》話:「喺大清雍正年間,整俗使焦祈就要求朝廷將廣州府城隍升級變成睺嗮成個廣東省嘅都城隍。」後嚟喺1920年,棟廟俾人拆咗,就起咗條280米長嘅街,而嗰陣時拆凈棟大殿同拜亭響度。

搞國貨展[編輯]

1931年九一八事變後,廣州市政府會同市社會局、市財政局、市公安局、省建設廳同廣州市商會等,一齊搞咗個廣州市提倡國貨運動委員會,諗著改咗個城隍廟做國貨展覽館以激發市民愛國情緒。時社會局長簡又文,仲請埋由上海度告假返粤嘅文藝界人士陸丹林,來局度幫手搞工程嘅清拆,主要針對廟度啲商舖攤位,十之七八都係睇相拆字等江湖生意,有唔少都幾代人做咗一百幾十年。而清拆政府補償每戶就得個40到80蚊[1]。呢年秋季清拆限期日到咗,市公安局就出動成班武裝警士,協同啲鬥木佬,社會局都派埋陸丹林等一同到現場清拆。等清走曬商販相士等後,啲工友遲遲唔敢㤢神像驚有報應,於是乎陸丹林就拎把斧頭就咁斬斷城隍個手,工友睇到就吐啖口水講句「大吉利是」,先跟著開始拆神像同其他工程。等到咗1932年9月,國貨展覽館終於搞掂,11月就舉行咗開幕禮,場入邊除咗擺國貨畀人睇,仲有得賣𠻹[1][2]

持續佔用同恢復[編輯]

共和國後,棟廟嘅遺址陸續俾人改成過民宅、餐廳同工廠。1949年後首先一度被用作被服廠,生產軍用被服物資。1956年城隍廟成咗廣州市材料試驗機廠。1990年城隍廟改建成兩層嘅卡拉OK廳[3]。一直到2001年業權轉由越秀區房管局持有。喺開緊儀器廠嗰陣,廟入面冚唪唥嘅嘢都整爛嗮[4]

喺1993年8月,呢度俾廣州市話咗係文物保護單位,不過唔開畀啲市民入去睇。喺2009年6月2號上晝,張廣寧就檢查咗下,究竟啲咕喱整中山四路嘅城隍廟整成點,張廣寧重要求,要將城隍廟同南越王宮署古跡要搞連片規劃同保護,珍惜寺廟道觀呢啲古跡入面講嘅城市歷史,一定要保護好、用好、睇實廣州嘅歷史文化遺產,重要有幾舊就整幾舊,嚟重新出現返之前古代,廣州府城隍廟嘅樣係點,重有都搞返下城隍廟嘅周邊環境嚟維持返城隍廟嘅建築風格。

2010年10月底,修復工程搞掂,呢次修復係用咗嶺南建築工藝嘅主要經典手法。喺2010年10月31號,廣州城隍廟重新對外免費開放,雖然話開始恢復返古代嘅燒香祈福等傳統民俗活動,但凈係可以用廟入面畀嘅環保香(最多3支)。

喺2010年12月25號,有人發現咗廣州嘅城隍廟前殿上面嘅大對聯寫錯咗兩個字,而呢嚿寫咗上去嘅「神本正清法眼厭看,猩猩作態奢耗香燭」呢句對聯,發現下聯寫錯咗兩個字,其實正寫係「惺惺作態奢耗香燭」[5]

主要睇料[編輯]

呢棟城隍廟入面有4樣料可以睇到嘅:

  • 三嚿城隍爺像
    分別係五代十國時期嘅南漢國王——劉龑,喺劉龑兩邊嘅係海瑞楊椒山
  • 132位神仙嘅畫
    喺城隍廟嘅主殿,有幅面積有差唔多240幾平方米嘅漆畫——《開天闢地•神仙卷》,而呢幅畫入面畫咗132位神仙。
  • 八仙紅木大宮燈
    喺城隍廟嘅大殿入面裝咗4盞2米高嘅八仙紅木大宮燈。
  • 木雕貢案
    呢嚿木雕係用咗成嚿高棉花梨木嚟整嘅,有3噸幾重。

傳說[編輯]

睇埋:五羊傳說

按返唐代嘅《太平廣記》話到嘅傳說,有位嗌「崔煒」嘅唐人唔小心入咗去南越王墓,後嚟因為羊城使者嘅幫手先至可以返出嚟。嗰時,崔煒就應承過羊城啲使者要換嗮啲衫褲嚟多謝嘅。後嚟咁啱得咁橋就行過城隍廟,先知羊城使者就係廣州城隍,所以就將嚿神像粉飾咗下,重整大咗個廟添[6]

[編輯]

[編輯]

  1. 1.0 1.1 城隍庙改建国货陈列馆 互聯網檔案館歸檔,歸檔日期2019年11月7號,. 2012-07-28 羊城晚报
  2. 1932拆了城隍庙 建国货展馆 互聯網檔案館歸檔,歸檔日期2019年11月7號,. 王月华 广州日报
  3. 【供奉杂神】(二)——城隍庙会 崇敬城隍保境兴盛 广州市[1]人民政府地方志办公室 2016-09-27
  4. . . 中評社. 2007-12-11. 原著喺2020-03-16歸檔. 喺2009-12-03搵到.
  5. "惺惺"变"猩猩"城隍庙对联写错字 (中國中文). 廣州日報. 2011-01-25. 原著喺2016-03-04歸檔. 喺2014-06-27搵到.
  6. 《太平廣記》卷卅四,崔煒傳

睇埋[編輯]