廣州錦漢展覽中心
廣州錦漢展覽中心（粵拼：gwong2 zau1 gam2 hon3 zin2 laam5 zung1 sam1）係中國廣東廣州入面一間冇咗嘅展覽中心，喺越秀區流花路同解放北路嘅交界西北邊嗰度。呢間嘢喺2002年10月9號開業，2012年11月8號執笠。而建築喺2013年1月，冚唪唥都拆嗮。而家呢度係廣州越秀國際會議中心。
介紹[編輯]
呢間展館佔地25000平方米，其中中心佔地23000平方米，入面有3個展館。而佢嘅主展館就有3層樓。
點解間展館冇咗？[編輯]
喺2012年10月14號，有位越秀集團嘅代表就話錦漢展覽中心係臨時建築。就係因為2004年，越秀地產攞咗呢個專案嘅建設用地批准書先至交清嗮土地出租金嚟做商業金融用地。不過佢凈係起咗間臨時建築響度。而按規劃嚟講，臨時建築就一定拆。本嚟話要喺2年內（到2006年為止）拆咗錦漢中心，但唔知點解拖咗10年都未拆。而越秀集團就話按租賃協議規定，佢整嘅臨時展覽館、錦漢展覽館都喺2012年11月8號先至結束經營，而錦漢大樓喺2012年12月10號就已經結束咗經營。之後越秀集團計劃2013年春節之前拆嗮錦漢展覽中心，之後3月開工起商業大樓[1]。而間嘢喺2016年4月14號先至批准起[2]，直到2020年10月23號先至開業[3]。
有關[編輯]
攷[編輯]
- ↑ 停用在即 锦汉中心下月开拆 或建"越秀广州体育大厦" 互聯網檔案館嘅歸檔，歸檔日期2012年10月17號，. 大洋网 喺2012-10-15搵到
- ↑ 广州越秀将新增一个五万平方米的会展中心 互聯網檔案館嘅歸檔，歸檔日期2018年8月22號，. 2016-09-29 新华网
- ↑ 广州越秀国际会议中心今天盛大开业