廣州電視台綜合頻道

出自維基百科,自由嘅百科全書
廣州綜合頻道
邊位屬下廣州電視台
開播標清版:1988年1月10號
高清版:2018年2月10號
廣播語言粵語、少量普通話
呼號GZTV-1
口號廣州電視 就在你身邊(2002~2005)
近在身邊 就在眼前(2006~2008)
時尚新形象(2009~2010)
植根廣州 服務市民(2011~2014)
花城百花開 我睇廣州台(2015~而家)
總部位置中國 中國廣東廣州
海珠區廣州國際媒體港入面
前稱廣州台(1988~1993)
廣州電視34頻道(1993~2001)
廣州電視台綜合頻道(2001~而家)
官方網站頻道官網

 廣州電視台綜合頻道粵拼gwong2 zau1 din6 si6 toi4 zung1 hap6 pan4 dou6 ,簡稱廣州綜合頻道,係廣州電視台屬下嘅免費綜合頻道,主要播新聞劇集綜藝資訊健康生活等節目,語言播出方面,除咗《中國城市報道》、《行風面對面》、午夜時分播嘅《經濟新聞》節目係純普通話之外,其他節目都係以粵語形式播出。呢個頻道喺廣州地區,唔理佢有冇裝機頂盒或插唔插有線電視都可以收到嘅電視頻道之一[註 3]

頻道主要喺晏晝或前半夜播放自製或外購嘅劇集。凡出現重大新聞或事件直播時,頻道亦會抽嗮跟住安排落嚟嘅直播新聞同劇集、綜藝節目。從2014年4月1號開始,每日19:00~19:30亦會轉播CCTV-1新聞聯播節目。

頻道喺每個禮拜二01:14~05:18冇節目,但每禮拜二04:40~05:18間,測色板界面有嶺南音樂播出。

[編輯]

中國大陸改革開放後無耐,廣東珠三角地區成日用魚骨天線接收香港嘅本港台翡翠台而形成慣性收視,加上廣東本土嘅電視台廣告收入低下,廣州本土未有自己嘅電視台,當地政府為咗解決呢個收視情況而喺1988年1月10號新成立咗間市級嘅電視台,從而正式開播。

頻道初期嗌廣州台,1993年成立廣州有線後改嗌廣州34頻道,2001年取消有線電視時改嗌廣州綜合頻道

2018年1月10號,喺頻道開播卅週年嗰晚黑嘅新聞,透露咗呢個頻道嘅高清版將喺同年2月開播[1]。同年1月31號正式發佈短片公告話呢個頻道喺2018年2月10號正式開播佢嘅4K高清版本。

2018年2月9號,嗰日嘅《廣視新聞》最後一次喺花果山入面播,由高晞做主持,同平時一樣播夠55分鐘嘅新聞同埋天氣。喺新聞播完之前,主播同觀眾講拜拜之前,高晞話「呢個亦都係廣視新聞最後一次喺花果山台址播出。卅年嚟我哋喺呢度記低咗羊城嘅發展,見證時代嘅變遷。多謝您一直以嚟嘅陪伴。從聽日開始,我哋將會喺珠江邊近廣州塔嘅廣州國際媒體港開始高標清同步播出。」,節目結束之後彈出咗「廣州電視 邁向高清」嘅畫面。同日23:00播出嘅《夜間新聞》亦最後一次以4:3比例形式播出。喺嗰日晚黑播完《經濟新聞》之後彈出台址搬屋嘅短片消息,正式宣告結束大部份部門喺花果山演播廳播出嘅生涯。

2018年2月10號00:08,喺廣州國際媒體港嘅新址正式啟用,佢嘅高清頻道亦喺甜果時光正式開播。喺00:20:37,標清版正式改成16:9格式,同日06:00開播嗰時已經提到頻道嘅高清版已經開播嘅事。朝頭早開播之後,頭個16:9節目係《嶺南星空下》。

2018年12月11號停機檢修嗰時,標清版嘅台標亦從原先嘅4:3版改成16:9版格式。

註同攷[編輯]

  1. 凈限廣州舊荔灣、越秀、海珠、白雲、天河地區、外市凈限韶關新豐,新會。
  2. 凈限廣東廣州、東莞、佛山、中山、茂名、江門、韶關、清遠、肇慶、湛江、河源、新會可以收到。
  3. 喺廣州地區,有報裝機頂盒嘅話,可以至少睇到中國大陸境內成百幾個頻道及俾廣電批准可以喺廣東落戶嘅9個境外頻道。唔裝機頂盒但一定要報裝廣州市有線先至有得睇。

出面網頁[編輯]