廣州電視台購物頻道

廣州購物頻道
邊位屬下	廣州電視台
開播	2006年4月28號
緩播	2016年11月7號～2016年11月18號
停播	2020年6月8號
廣播語言	粵語
呼號	GZTV-8
總部位置	中國廣東廣州 越秀區環市中路231號
官方網站	頻道官網
收睇方法 數碼信號 廣東有線 隨地區而變（除深圳地區） 廣州有線 10 U互動 隨地區而變（限廣州、肇慶同佛山）

 廣州電視台購物頻道（粵拼：gwong2 zau1 din6 si6 toi4 kau3 mat6 pan4 dou6） ，簡稱廣州購物頻道，又嗌粵購頻道（jyut6 kau3 pan4 dou6），係廣州電視台屬下冇咗嘅購物頻道，主要播電視購物為主嘅節目，播出語音初期係純粵語，喺2016年7月20號到2016年9月初轉播邑購節目時出現過普通話節目廣播。

呢個頻道係中國內地第一間專業電視購物頻道。頻道播出期間，喺廣東地區接收方面，U互動凈得廣州、肇慶同佛山地區收到，有線版除深圳地區外都可以收到。

史

頻道喺2016年5月30號～2016年8月底，深夜到天光無耐時重喺度播緊電子大圓測色板。以往呢個時段重有購物節目播出。

頻道喺2006年4月28號開播，早期佢同粵購合作，一齊推出咗以電視營銷嘅電視節目嚟對抗其它電視台嘅購物頻道。播出期間都係純粵語做廣播，一日24個鐘都有節目。

2016年5月30號挨晚就嚟落班時分（UTC+8），電視台屬下嘅單位——粵購公司（全名係廣州粵購電子商務有限公司）向電視台話間公司唔掂，波士蕭孝銘同財務都攞咗好多錢走佬，而粵購嘅牌照畀咗浙江嘅一間公司用，屬下嘅直屬企業——廣州飛羊（全名係廣州飛羊影視傳播有限公司）啲人因為差公司嘅場地租金及其它費用而俾電視台抨paang1走，令供應商啲庫存商品因為冇人搞而冇辦法退出，期間重出現拖糧情況。

由於出咗呢單個案，電視台播出嘅節目變成翻炒節目為主，一日嘅節目播出亦大幅縮水到15個半鐘（08:00開台，23:30收台）。雖然2016年7月20號恢復返播購物節目，但改成邑購（江門電視台購物頻道）節目，開播時間亦延長到18個鐘（06:00開台，00:00收台），但隨後被打回頭成07:00開台，23:30收台。

2016年9月初，頻道改播成時尚生活街嘅節目（翻炒為主），節目亦恢復返24個鐘播出。但喺同年11月7號深夜，頻道喺未對外公佈嘅情況下而停播咗11日。恢復播出之後，由於節目質量越嚟越差，節目收視幾乎爲零。

2020年5月19號，經廣電總局批復，由於廣州電視台要開播南國都市4K頻道，所以要決定將少兒、生活同購物三個頻道嘅高標清版停播。直到同年6月8號零時三十九分，頻道亦正式宣佈停播，即係有住十四年嘅購物頻道亦正式成爲歷史。

出面網頁

• 廣州電視台購物頻道嘅官方網站