廣州魯迅紀念館

出自維基百科,自由嘅百科全書
跳去: 定向搵嘢
廣州魯迅紀念館(2016年9月2號)
2014年1月24號,鐘樓附近俾施工棚架圍蔽咗。

 廣州魯迅紀念館粵拼gwong2 zau1 lou5 seon3 gei3 nim6 gun2 ,廣州街坊又嗌鐘樓zung1 lau4),係中國廣東廣州嘅民國建築同埋博物館,大清光緒卅二年(1906年)起好,位置喺越秀區文明路中山圖書館正門對入面。

[編輯]

間嘢喺大清光緒卅二年起好,初期係間鐘樓禮堂,1924年1月20~30號,間嘢因為開過中國國民黨第一次全國代表大會而出名。1926年下半年轉成中山大學嘅校本部辦公樓。1927年,魯迅喺呢間嘢住過重寫過《在鐘樓》等文章。中山大學搬到河南一帶後,原先嘅鐘樓俾中共廣東省委喺1958年開闢成紀念館兼修繕,直到中華人民共和國成立10週年當日開館。1988年連同出面嘅革命廣場做咗中華人民共和國重點文物。

由於廣東省博物館喺2010年搬到珠江新城,鐘樓亦同明遠樓一齊閂檔重搞修繕工作;2012年又從廣東省博物館分拆,成為獨立嘅公益一類事業單位。直到2016年11月12號,紀念館重新開放。

風格[編輯]

間嘢嘅佔地面積1900平方米,建築面積2888平方米。正門有間大鐘樓,牆身米黃色同白色,水泥結構。成間嘢睇落去好似間西式教堂噉。

連出去[編輯]