廣東省工人醫院

廣東省工人醫院

 廣東省工人醫院（粵拼：gwong2 dung1 saang5 gung1 jan4 ji1 jyun2） 係中國廣東廣州嘅有醫療、教學同科研喺埋一齊嘅二甲醫院，1957年創辦，位置喺黃埔區長洲長江路320號。佢係廣州市第一批醫療定點醫院同廣東省人民醫院嘅雙向轉診醫院。另外，黃埔衛生職業技術學校同廣州中醫藥大學嘅實習基地、廣東藥科大學嘅教學基地都喺呢間醫院入面。

史

1957年，醫院正式成立，初期嗌過廣東省第二工人療養院個名，期間主要醫肺結核為主，嗰時廣東地區嘅醫療水平比較落後，醫得返肺結核病已經係好葳蕤嘅事。直到1970年，由於醫院畀咗廣東省衛生廳睇實，醫院亦改名做廣東省第二工人醫院。期間調做好多醫療專家入嚟整成間技術比較一流嘅醫院。重搞掂咗廣東省第一例低温下體外循環心外手術同第一例微創手術、第一例經皮腎穿刺術等貢獻。雖然1982年又重新用返「廣東省第二工人療養院」個名，但機構畀咗廣東省總工會睇實。期間醫院唔係凈向醫肺結核病發展，而係加開碎石同埋戒毒兩個項目，亦開創咗中國大陸嘅體外震波技術前例先河。隨後因為冇咗國家政策支持，加上嗰時去長洲地區嘅交通好唔方便，令療養同醫療業務開始墮落。雖然1999年成立咗精神病科，但唔見起效。雖然2003年加掛咗「廣東省第二工人醫院」個名，但無耐爆出戒毒所醜聞，令療養同醫療業出現半癱瘓狀態。直到2005年，由於醫院換咗新領導，令醫院撥亂反正，重新行返醫療道路，但醫院原有嘅療養業務喺2007年正式廢除。

2009年，醫院換咗一批領導後，綜合大樓正式按二甲醫院標準嚟裝修。重喺2011年改名做廣東省工人醫院。

出面網頁

• 廣東省工人醫院嘅官方網站