張保仔洞
張保仔洞（英文：Cheung Po Tsai Cave）係廣東著名海盜「張保仔」傳說收藏寶物嘅一啲山竉。呢啲地點多數喺廣東外海、香港離島區，其中位於長洲嘅張保仔洞係最出名，成為咗島上嘅旅遊景點。
概覽
[編輯]喺清嘉慶年間，張保仔率領嘅紅旗幫，係以上川島沙堤港做主基地，扼守著瓊州海峽，控制咗上川島、下川島，赤溪半島，仲有沙咀沿海，東去到香港，西去到廣州灣嘅唔少島嶼[1]。據傳當年張保仔藏寶地係有唔少，就上川島一帶嘅島嶼就有十幾處，如鹽灶、七盤山、馬山、弓灣、石船咀、香爐洲同烏豬島等[2]。
已知嘅遺跡
[編輯]其中一個最出名嘅位置喺香港離島區，長洲西南面，竉口長約莫10呎，個竉由入口至出口全長約莫88米，竉入面好黑好窄，地面濕滑，近年加設咗鋼梯，方便遊客出入。
南丫島張保仔洞喺波蘿咀大洲肚灣，比長洲嗰個大好多，深好多。1979年，南丫島起發電廠炸咗張保仔洞。
塔門、舂坎角、赤洲、小交椅洲、廣州南沙嘅龍穴島亦有張保仔洞。
參考
[編輯]- ↑ 上川岛棋盘山与张保仔的旷世棋局-探险寻宝好去处2017-07-03 搜狐
- ↑ 张保仔的宝藏究竟藏在哪里？上川岛上真的藏有藏宝吗？ 互聯網檔案館嘅歸檔，歸檔日期2019年7月18號，. 2018-08-11
