張錫鵬

張錫鵬（1932年—2005年8月16號）係漢寶集團其中一位創辦人兼永遠名譽主席，亦係頂好海鮮酒家名譽主席。佢喺酒樓同飲食業有超過40年經驗，首創將貴價龍蝦平民化，外號「龍蝦大王」。

張錫鵬以賣茶葉起家，後尾喺1960年代開創20個品牌嘅酒樓，一共經營過40間酒樓，請咗超過一萬名員工。 1986年同朋友合股喺土瓜灣開設首間漢寶酒樓，推出88緡一斤龍蝦做招徠，闖出名堂，掀起一股平價海鮮熱潮。

張錫鵬有兩個仔三個女，其中孻仔張本立幫手打理酒樓業務。

2005年3月24號，張錫鵬辭任漢寶集團榮譽主席同埋非執行董事等職位。同年8月16號因癌症病死，享年73歲，9月1號喺世界殯儀館舉行喪禮，跟住嗰日出殯，遺體運去沙田富山火葬場火化。

漢寶酒樓高峰期有18間分店，曾經係全香港最大嘅酒樓集團。因為分店多，鋪頭大，係唔少地區嘅地標，所以好多時紅色小巴都會以「漢寶」愛嚟做站名。漢寶集團分別喺1994年同埋2001年籌備上市但係失敗，最終喺2002年2月1號上市。2007年1月3號改名為中國能源開發控股有限公司（港交所：00228）。

攷

• 〈龍蝦大王明舉殯〉。太陽報 (香港)。2005-08-31。