張鐵林

張鐵林
男演員
英文名	ZHANG TIE LIN
花名	鐵林哥、皇帝專業戶、皇阿瑪
國籍	英國
出世	中國河北省唐山市
職業	演員
代表作品	還珠格格

張鐵林（粵拼：zoeng1 tit3 lam4；簡化字：张铁林；英文：Zhang Tielin；1957年6月15號—）係一位中國內地嘅男演員，英國唐人，響中國河北省唐山市出世。佢之前參加過1984年嘅電影——《大橋下面》同埋1999年嘅《還珠格格》呢兩部片先至出咗名。

生平

張鐵林喺1957年嘅河北省唐山市入面出世，之後就去咗陝西省渭南市嗰度長大，到咗1973年就去咗臨潼市（而家係西安市臨潼區）入面做咗農民，之後1976年去咗西安嗰度做工人。佢喺1978年考入咗北京電影學院表演系之後一直到1982年畢業為止，就分配到天津電視台度做演員。跟住佢先後參加咗影《火燒圓明園》、《垂簾聽政》同埋《大橋下麵》呢啲片，重喺《大橋下面》嘅片出咗名。

張鐵林喺1987年就到咗英國留學，之後喺1997年加入埋英國國籍。而20世紀90年代初期重去咗香港嗰度發展，先係同徐克一齊簽約，參加咗影《黃飛鴻》嘅電影系列，跟住喺1996年轉咗鳳凰衛視嗰度做電影主持，之後無耐又返咗去中國內地嗰度發展。喺1999年，佢因為參加咗電視劇《還珠格格》嘅拍攝先至俾人重新知返呢位明星。到咗2007年，佢重做咗暨南大學藝術學院嘅院長。佢喺電視劇入面，成日做皇帝嘅角色。喺2014年10月，佢同張月亮一齊參加咗深圳衛視嘅《極速前進》第一季遊戲節目。