後悔 (決策論)

決策論上講嘅後悔（粵拼：hau6 fui3）係做決策嗰陣要考慮嘅一個數值，指緊「如果揀咗呢個選項，會錯過啲乜」。

概論

表 1：好唔好抌錢做研發？
	研發成功	研發失敗
抌錢	r-c	-c
唔抌	0	0

表 2：抌錢做研發嘅「後悔矩陣」
	研發成功	研發失敗
抌錢	0	c
唔抌	r-c	0

舉個具體例子說明，依家想像一間企業，佢哋要決定「係咪要抌本做研發」，假設研發嘅成本係 c 咁多，假如研發成功，會為間企業帶嚟 r 咁多嘅利潤，而假如研發失敗，間企業唔會得到任何嘅利潤，只會損失抌咗落去做研發嗰筆錢，即係好似表 1 所示。跟住思考後悔嘅概念，假如想研發嗰樣嘢係掂嘅，但係間企業冇郁手研發，佢哋會錯失得到 r-c 嘅機會，而假如想研發嗰樣嘢係唔掂嘅，但係間企業郁手研發，佢會錯失 c 咁多嘅成本。如果將呢套思考畫做一個「後悔矩陣」，會好似表 2 所表示嘅噉。

最大最小化

後悔最大最小化（The Minimax Regret Principle）源自匈牙利裔美國數學家馮紐曼嘅研究。

後悔最大最小化原則講緊嘅，就係決策者要盡可能減少（最小化）自己嘅「最高後悔值」：攞每一個選項嚟睇，決策者要睇下嗰個選項最高可以帶嚟幾高嘅後悔值，然後佢會揀「最高後悔值」最低嗰一個；喺做研發嗰個例子當中，如果 r 數值夠大（r - c > c），間企業會選擇郁手做研發，而如果 r 數值唔夠大（r - c < c），佢哋就唔會郁手做研發。用數學符號嚟表達嘅話，後悔最大最小化原則可以噉嚟表述^[1]。好似後悔最大最小化噉嘅決策方式，被認為係比較理性嘅做法。

睇埋

引述

↑ Renou, L., & Schlag, K. H. (2010). Minimax regret and strategic uncertainty (PDF). Journal of Economic Theory, 145(1), 264-286.

呢篇後悔 (決策論)係關於經濟嘅楔位文章，重未完成嘅。麻煩你幫手補充佢嘅內容。

[1] Renou, L., & Schlag, K. H. (2010). Minimax regret and strategic uncertainty (PDF). Journal of Economic Theory, 145(1), 264-286.

[1]