朱友貞

朱友貞（888年10月20號—923年11月18號），係後梁第三個皇帝，亦係後梁最後一個皇帝，913年到923年在位，佢無廟號，史稱梁末帝。

生平

朱友貞係朱溫個仔、朱友珪異母細佬。

朱友珪殺咗朱溫之後自己做皇帝，但係有好多人唔妥佢。朱友貞夾埋其他人密謀政變，913年二月，袁象先等人帶兵攻入皇宮，朱友珪走投無路之下叫人殺咗自己。之後朱友貞喺大梁登基做後梁皇帝，用番「乾化」年號。915年改用「貞明」年號。921年改用「龍德」年號。

923年十月，後唐軍打敗王彥章之後進迫大梁，後梁軍剩低嘅主力唔喺大梁度，朱友貞知道擋唔住唐軍入大梁，就叫人殺自己，後梁滅亡。後唐莊宗將朱友貞降做庶人。

評價

《資治通鑑》話朱友貞「為人溫恭儉約，無荒淫之失」，但係用人不當，以致亡國。