懶懶熊（laan5 laan5 hung4，日文リラックマ；英文：Rilakkuma）係日本San-X有限公司喺2003年出品嘅漫畫角色，又嗌鬆弛熊。而佢個名係由片假名「Relax（放鬆）」同埋日文「熊」（クマ）兩個字夾埋一齊而出嚟嘅。同一系列嘅角色重有牛奶熊（コリラックマ； Korilakkuma）同埋鼻窿雞（キイロイトリ；Kiiroitori）。2016年又出咗隻叫蜜茶小熊（チャイロイコグマ；Chairoikoguma）嘅新角色[1]。
根據2010年5月嘅調查，懶懶熊係日本第五大最受歡迎嘅卡通人物。到咗2021年5月嘅人氣投票，懶懶熊成為San-X旗下角色中嘅第一名。
