打冷

  提示：呢篇文講嘅唔係打令。

打冷（粵拼：daa² laang¹），又叫潮州打冷，係一類潮州人嘢食，包括大眼雞魚、凍烏頭、炸蝦、凍蟹、鹵水鵝、墨魚、鹵水掌翼、筍蝦、菜脯、花生、鹵水豆腐、紅腸、鵝腸、生腸、豬頭肉、韭菜豬紅、鹵水蛋、鹵水大腸、鹵水鳳爪、蜆仔肉、煎蠔餅、鹹菜門鱔魚、大豆芽豆卜、鹹牙帶魚、白灼東風螺、蚝仔粥、方魚肉碎粥、白粥……賣呢類嘢嘅餐廳好多都會做宵夜生意。

詞源

1. 廣東人聽落似「打」同「冷」嘅潮州話字，分別係解「食」同「人」，於是以此詞代表食潮洲人嘅嘢。
2. 唔係潮州話，而係「打round」嘅中西合壁香港廣東話，即係「打個轉」咁解。
3. 「打冷」由潮州話「擔籮」轉音而嚟；啲小販擔住個籮嚟賣嘢食。