抵壘政策

出自維基百科,自由嘅百科全書
Jump to navigation Jump to search

抵壘政策(Touch Base Policy)係香港1974年到1980年期間應付大陸偷渡客嘅政策,凡偷渡到香港,入咗市區,又可以同親人團聚,就可以成為香港居民。

[編輯]

1950年,廣東政權中華民國轉為中華人民共和國。大量難民擁入英國殖民地香港,香港政府決定封閉邊境。

中共政治動盪,大量難民仍然來到香港。構成壓力。

1974年11月,香港政府宣佈抵壘政策,大陸非法入境者若果入到市區揾親人,就可以居留;如果響邊境俾執法人員截到,就會遣返。同時當局亦加強邊境管制。

[編輯]

抵壘政策係充滿矛盾嘅。一方面,香港政府顧慮到,假如唔畀抵壘者途徑融入社會,佢哋會淪為黑市居民黑市勞工,甚至會從事非法活動。畀佢哋合法居留亦可以紓緩當時勞動市場,因為當時香港嘅工業,尤其係製衣業,仍然相當興旺;移民仍然可以自食其力,因而唔使擔心佢哋會耗用香港嘅公共資源,例如公共援助[未記出處或冇根據]

但另一方面,長期嘅抵壘政策間接鼓勵大陸人,尤其係沿海嘅後生仔冒險來港,蛇頭成為高利潤行業,亦好多時做成金錢甚至人命上嘅損失。

1979年,中國開始「改革開放」,但內地居民非法入境香港情況越來越嚴重。1980年10月23號,香港政府宣佈取消抵壘政策,代之以即捕即解政策:非法入境者一經發現,即遣返大陸。

參考[編輯]