即捕即解政策

即捕即解政策係香港1980年開始，應付中國大陸非法入境者問題而推行嘅政策。凡由大陸偷渡來香港，會即刻解返大陸。個政策一直沿用至今。

史

1950年，廣東政權易手，由國民黨做頭嘅中華民國，轉為中國共產黨做頭嘅中華人民共和國。香港當時由英國管治。因為大量難民擁入香港，香港政府決定封閉邊境。

由於中共治下政治動盪，仍有大量難民千方百計湧入香港。1974年有抵壘政策，容許到市區者合法申請居留。

1970年代到1980年代初，中國大陸偷渡來港人數不斷增加，1980年10月23號，香港政府宣佈撤銷抵壘政策。喺當日之前已經嚟到香港嘅內地非法入境者，可以響3日（1980年10月24號到26號）寬限期內，登記領取香港身份證，嗰日之後抵港嘅偷渡者，就會被立即遣返。

政策公佈後，數以千計偷渡入境者，響寬限期內到位於金鐘道嘅華人延期居留辦事處，日夜不停咁辦理登記領取香港身份證。

1997年7月1號，香港主權移交，英國交返畀中華人民共和國。之但係，香港政府仍保留邊境，仍然實行即捕即解政策至今。