教育路 (廣州越秀)

教　育　路 JIAOYU ROAD

性質： 一般馬路 全長： 0.522公里 行車線： 2車道 北向南嘅單行線 地區： 廣州市越秀區 起點： 中山五路同埋吉祥路嘅交界 終點： 惠福東路 主要建築： 藥洲遺址 廣州市教育局 教育路小學 九曜坊

教育路（粵拼：gaau3 juk6 lou6）係中國廣東省廣州市入面嘅一條普通馬路，呢條馬路喺越秀區入面，成條馬路南邊走向。北邊從中山五路同埋吉祥路嘅交界開始，一直向南去到惠福東路嗰頭。

概要

全長522米，闊15米，2車道。成條路凈係可以從北向南行。

史

呢條馬路從明朝開始一直到依家，佢都係成個廣東入面，最高級文教官署嘅一尐。其中喺明朝嗰陣起嘅提學道署、清朝起嘅學政署、民國嗰陣起嘅教育委員會同依家嘅廣州市教育局都喺教育路入面。呢度以前係一條嗌「觀蓮街」嘅巷仔同「書坊街」嘅北邊一部份巷仔組成嘅，不過到咗1932年，廣州市政府就將呢兩條巷仔拆咗，整咗條馬路出嚟，依家嘅書坊街係得返南邊嗰橛咋。由于喺民國嗰陣嘅學署就係廣州教育委員會，所以就改咗「教育路」噉嘅名。雖然話文化大革命嗰陣改咗嗌「教育南路」，但係到咗1982年就將個名改返轉頭。啫係依家嗌「教育路」。

特色

由於距離呢條馬路冇幾遠就係條北京路步行街，所以成條路都有賣西裝、皮鞋同埋領呔嘅鋪頭響呢度。每年嘅農曆新年嗰陣嘅西湖路花市就係喺呢度舉辦，佢重係廣州市入面最出名、人流最多嘅迎春花市。重有，羊城八景入面嘅藥洲遺址同埋重有條廣州街坊講嘅數字地方順口簧入面嘅其中一笪地——九曜坊就係喺呢條路入面出現過。

經過嘅道路

呢度啲路嘅順序係從北去到南嚟排嘅，其中加粗咗嘅字係主幹道：

• 中山五路、吉祥路
• 西湖路
• 惠福東路