新竹縣政府（英文：Hsinchu County Government）係中華民國台灣新竹縣最高層級嘅地方行政機關，喺中華民國政府架構中，為縣自治嘅行政機關，同時負責執行中央機關委辦事項。新竹縣嘅自治監督機關本為臺灣省政府，但臺灣省虛級化後，臺灣省政府嘅業務同功能被大幅縮減，新竹縣嘅自治監督機關亦改為行政院各部會（主要係中華民國內政部）。新竹縣政府亦都係轄下各鄉、鎮、市嘅地方自治監督機關。
